Thammareddy Bhardwaj : డైరెక్టర్ గా నిర్మాత గా పలు చిత్రాలతో ఇండస్ట్రీ లో మంచి గుర్తింపు తెచ్చుకున్న తమ్మారెడ్డి గారు ఈ మధ్య కాలంలో సినిమాలు తీయడం, నిర్మించడం తగ్గించారు. ఇండస్ట్రీకి సంబంధించిన విషయాలను మాట్లాడుతూ, చిన్న సినిమాలను ప్రోత్సహిస్తూ తరచూ ఇంటర్వ్యూల్లో తన అభిప్రాయాలను పంచుకుంటూ ఉంటారు. ఇక చిరంజీవి గారితో ఆయనకు ముందునుండి చక్కటి అనుబంధం ఉంది. చిరంజీవి తొలినాళ్లలో భరద్వాజ గారి సినిమాల్లో నటించారు.
ఇండస్ట్రీ పెద్ద తానే, సినిమా ఇండస్ట్రీ పరువు తీయొద్దు…
తాజాగా ఒక ఇంటర్వ్యూలో పాల్గొన్న తమ్మారెడ్డి ప్రస్తుతం జరుగుతున్న విషయాల మీద స్పందించారు. టికెట్ రేట్ల ఇష్యూపైన స్పందించారు. ప్రేక్షకుల ఆలోచనా ధోరణి మారుతోంది, దానికి తోడు సినిమా టికెట్ రేట్లు పెరిగితే సినిమా చూడాలన్న ఆసక్తి తగ్గుతోంది, నాలుగు రోజులు పోతే ఓటీటీ లో చూడవచ్చు అనుకుంటూ ఉన్నారు. ఇక టికెట్ రేట్ల విషయంలో చిరంజీవి, మహేష్ లాంటి నటులు సీఎం జగన్ దగ్గరకు వెళ్ళినపుడు నాకు నచ్చలేదు. చిరంజీవి ఇండస్ట్రీ కి పెద్ద అని అందరూ భావిస్తున్నారు.
అలాంటి మనిషి సీఎం దగ్గరకు వెళ్లి మాట్లాడటం నచ్చలేదని ఇలాంటి పనులు చేసి ఇండస్ట్రీ పరువు తీయొద్దు అన్నాను, ఇప్పటికీ ఆ మాటకు కట్టుబడి ఉన్నాను. పెద్ద అన్నపుడు అలానే ఉండాలి ఇలా వెళ్లి సినిమా ఇండస్ట్రీ పరువు తీయకూడదు అంటూ కామెంట్స్ చేసారు. అంతకు మించి నాకు చిరంజీవికి మధ్య ఎలాంటి విబేధాలు లేవు అని చెప్పారు తమ్మారెడ్డి భరద్వాజ.
