Vijay Devarakonda: సినిమా ఇండస్ట్రీలోకి వచ్చిన అతి తక్కువ సమయంలోనే ఎంతో మంచి గుర్తింపు సంపాదించుకున్న హీరో విజయ్ దేవరకొండ గురించి ప్రత్యేకంగా చెప్పాల్సిన పనిలేదు.ఎలాంటి సినీ బ్యాక్ గ్రౌండ్ లేకుండా ఇండస్ట్రీలోకి వచ్చి ఏకంగా పాన్ ఇండియా స్థాయి చిత్రాలలో నటిస్తూ ఎంతో మంచి గుర్తింపును సంపాదించుకున్నారు. ఇదిలా ఉండగా తాజాగా విజయ్ దేవరకొండ మాట్లాడుతూ తనకు సంబంధించిన ఒక సినిమా గురించి ఆసక్తికరమైన విషయాలు వెల్లడించారు.
తాను ఇండస్ట్రీలోకి వచ్చిన సమయంలో ఓ సినిమాలో నటించారు అయితే కొన్ని కారణాల వల్ల విడుదలకు నోచుకోలేదు కానీ తిరిగి అదే నిర్మాతలు ఆ సినిమా ప్రమోషన్ చేయమని విజయ్ దేవరకొండకు ఏకంగా 50 లక్షలు ఆఫర్ చేస్తే రౌడీ హీరో సున్నితంగా తిరస్కరించినట్లు తెలిపారు. అసలు ఈ హీరో ఆఫర్ ని ఎందుకు వద్దనుకున్నారు అనే విషయానికి వస్తే…
బాలకృష్ణ వ్యాఖ్యాతగా వ్యవహరిస్తున్న అన్ స్టాపబుల్ కార్యక్రమంలో భాగంగా తన కెరియర్ తొలి రోజుల గురించి విజయ్ దేవరకొండ తెలియజేశారు.లైఫ్ ఈజ్ బ్యూటిఫుల్, ఎవడే సుబ్రమణ్యం వంటి సినిమాలు చేస్తున్న సమయంలో విజయ్ దేవరకొండ హీరోగా “ఏం మంత్రం వేసావే” అనే సినిమాలో పూర్తిస్థాయి హీరోగా నటించారు అయితే కొన్ని కారణాల వల్ల ఈ సినిమా విడుదల కాలేదు.
ఇది పద్ధతి కాదని ఒప్పుకోలేదు..
ఇక ఆ సినిమా విడుదల కాకపోవడంతో ఈలోగా పెళ్లి చూపులు, అర్జున్ రెడ్డి వంటి సినిమాలు విడుదలై మంచి గుర్తింపు సంపాదించుకున్నాడు.ఇలా విజయ్ దేవరకొండ కు మంచి గుర్తింపు వచ్చిన తర్వాత ఆ నిర్మాతలు తన వద్దకు వచ్చి ఏం మంత్రం వేసావే సినిమా ప్రమోషన్ చేస్తే తనకు 50 లక్షల రూపాయలు ఇస్తామని చెప్పారనీ ఈ సందర్భంగా రౌడీ హీరో తెలిపారు. అయితే ఏ మాత్రం బాగా రాని సినిమా ప్రమోషన్ చేయడం మంచి పద్ధతి కాదని నా ఫేమ్ ఉపయోగించి మీరు సినిమాని ప్రమోట్ చేసుకుని డబ్బులు సంపాదించుకుంటే సంపాదించుకోండి నేను మాత్రం ఈ సినిమాని ప్రమోట్ చేయానని విజయ్ దేవరకొండ ఆఫర్ ను రిజెక్ట్ చేసినట్లు ఈ సందర్భంగా తెలిపారు.
