మెగాస్టార్ చిరంజీవి వరసపెట్టి సినిమాలు చేస్తున్నారు. ఇప్పటికే అరడజన్ ప్రాజెక్టులతో బిజీగా ఉన్నారు. కొరటాల శివతో ’ఆచార్య‘ సినిమా పూర్తయింది. మరోవైపు మెహర్ రమేష్ దర్శకత్వంలో ‘భోళా శంకర్‘, మోహన్ రాజా దర్శకత్వంలో ’గాడ్ ఫాదర్‘ చిత్రాలు షూటింగ్ జరుపుకుంటున్నాయి.
మరో వైపు వెంకీ కుడుముల డైరెక్షన్ లో మరో సినిమాకు గ్రీన్ సిగ్నల్ ఇచ్చారు మెగాస్టార్. అయితే మరికొన్ని ప్రాజెక్టులు కూడా చర్చల్లో ఉన్నట్లు తెలుస్తోంది. అయితే గతంలో చిరంజీవి గుండు గెటప్ లో కనిపించారు. ఎందుకంటే మెహర్ రమేష్ దర్శకత్వంలో తెరకెక్కుతున్న ’భోళా శంకర్‘ మూవీ కోసం ఇలా కనిపించారు మెగాస్టార్. ఈ లుక్ పై ప్రేక్షకుల నుంచి మిశ్రమ స్పందన వచ్చింది. తమిళంలో అజిత్ హీరోగా తెరకెక్కిన ’వేధాళం‘ సినిమాకు రిమేక్ భోళా శంకర్ తెరకెక్కుతోంది.
ఇందులో ఫ్లాష్ బ్యాక్ ఎపిసోడ్ ఉంటుంది. దీంట్లో ఆలుమ డోలుమ క్యారెక్టర్ కోసం అజిత్ గుండుతో కనిపిస్తారు. అయితే దీన్ని ట్రై చేద్దాం అనుకున్నారు చిరంజీవి. అయితే గుండు గెటప్ చిరంజీవకి నప్పలేదని…వేరే విధంగా ప్రోసీడ్ అవుదాం అనుకున్నాడు మెహర్ రమేష్. చిరంజీవి గడ్డంతో బాగానే ఉంటాడని.. ఇదే లుక్ లో భోళాశంకర్ ప్లాష్ బ్యాక్ ఎపిసోడ్ ను నడిపిద్దాం అనుకుంటున్నాడట డైరెక్టర్.
మెహర్ రమేష్ ఆలోచన చిరంజీవికి కూడా నచ్చడంతో ప్రొసీడ్ అవుతున్నారట. ఈ సినిమాలో చిరంజీవి సరసన హీరోయిన్ గా మిల్కీ బ్యూటీ తమన్నా నటిస్తోంది. చిరంజీవికి చెల్లిలి క్యారెక్టర్ లో కీర్తి సురేష్ నటిస్తోంది. ఏకే ఎంటర్టైన్మెంట్స్ పతాకంపై రామబ్రహ్మం సుంకర ‘క్రియేటివ్ కమర్షియల్స్’ అధినేత కె.ఎస్.రామారావుతో కలిసి ఈ చిత్రాన్ని నిర్మిస్తున్నారు.
