ప్రస్తుతం పెట్రోల్ ధరలు భగ్గుమంటున్నాయి. ప్రతీ రోజు ఎంతో కొంత పెరుగుతూనే ఉన్నాయి. అయితే గత కొన్ని రోజుల నుంచి ధరలు స్థిరంగా ఉంటున్నాయి. డీజిల్ రేటు కూడా నిలకడగానే కొనసాగింది. దీంతో తెలుగు రాష్ట్రాల్లో పెట్రోల్, డీజిల్ రేట్లు 12 రోజులుగా స్థిరంగా ఉంటూ వస్తున్నాయి.
వాహనదారులకు ఇది ఊరట కలిగించే అంశమని చెప్పుకోవాలి. కానీ.. కొన్ని రాష్ట్రాల్లో పెట్రోల్ ధరలు ఉన్న వాటి కంటే కూడా తగ్గించారు. కర్టాటక రాష్ట్రంలో పెట్రోల్ రేట్లను తగ్గించింది. దీంతో అక్కడ పెట్రోల్ బంకుల్లో వాహనదారులు కిటకిటలాడుతున్నారు. మళ్లీ పెట్రోల్ ధరలు ఎక్కడ పెరుగుతాయనే కారణంతో ఇలా బంకుల్లో వాహనదారులు ఎగబడుతున్నారు.
ఇక్కడ విశేషం ఏంటంటే.. పొరుగున ఉన్న కర్టాటక రాష్ట్రంలో పరిస్థితి ఇలా ఉంటే.. ఏపీ సరిహద్దులో మాత్రం బంకులు వెలవెలబోతున్నాయి. ఏపీలో పెట్రోల్ ధరలను తగ్గించలేదు. దేశ వ్యాప్తంగా అన్ని రాష్ట్రాల్లో పెట్రోల్ ధరలు వినియోగదారులకు ఉపశనమివ్వగా.. ఏపీలో మాత్రం అలాంటి పరిస్థితి లేదు.
పెట్రోల్ రేట్లు భగ్గుమంటుండంతో ఇలా బంకుల్లోకి ఎక్కువగా వాహనదారులు రావడం లేదు. పెట్రోల్ రేట్లను ఆంధ్రప్రదేశ్ లో కూడా తగ్గించాలని వాహనదారులు కోరుతున్నారు. ఇంధన ధరలు ఇలా పెరుగుతుండటంతో పెట్రోల్ కొట్టించుకొనే పరిస్థితి లేదని వాపోతున్నారు.
