Tiger Radha Prashanthi : అవకాశాలు వచ్చినా అవి మన వరకు చేరాలన్నా అదృష్టం ఉండాలి. ముఖ్యంగా సినిమా రంగంలో ఒక ఆఫర్ మనకు వచ్చినా అది చెజారితే జరిగే నష్టం మన కెరీర్ మీద ప్రభావం చూపుతుంది. అలానే సహాయక పాత్రలతో పేరు తెచ్చుకున్న రాధా ప్రశాంతి విషయంలో కూడా జరిగింది. శ్రీకాకుళం పార్లకిమిడి పక్కన గ్రామంలో జన్మించిన రాధా ప్రశాంతి ఒరిస్సా రాష్ట్రం లోని గ్రామంలో జన్మించింది. అయితే శ్రీకాకుళం అనగానే గుర్తొచ్చేది కళాకారులు. అలా చిన్నతనం నుండే నాటకాలు వేసిన అనుభవం ఉన్న రాధా ప్రశాంతి కి మొదట జగపతి ఆర్ట్స్ బ్యానర్ లో జగపతి బాబు మొదటి సినిమాలో సెకండ్ హీరోయిన్ అవకాశం రాగా సెలెక్ట్ అయ్యాక బైక్ లో వెళ్తూ ఆక్సిడెంట్ అవడం వల్ల అవకాశం మిస్ అయిందట. అలా కొన్ని అవకాశాలు కెరీర్ మీదే ప్రభావం చూపుతాయి అంటూ చెబుతున్నారు రాధా ప్రశాంతి.
కావాలనే ఇల్లు తగులబెట్టారు…
మొదటి నుండి రామకృష్ణ మఠంలో ధ్యానం చేసుకునే అలవాటు ఉన్న రాధా ప్రశాంతి గారు లాక్ డౌన్ సమయంలో అక్కడే ఇంగ్లీష్ నేర్చుకోవడంలో తర్ఫీదు తీసుకునేవారట. ఇక భర్త, పిల్లలు లాక్ డౌన్ అని సొంతూరు వెళ్ళిపోగా తాను మాత్రం ఉండటంతో ఆ సమయంలో ఎవరో కావాలనే ఇల్లు తగులబెట్టారంటూ చెప్పారు. ఫ్లోర్ లో తన ఇల్లు మాత్రమే కాలిపోయిందని అపుడు ఎక్కడికి వెళ్లాలో తెలియని పరిస్థితి అంటూ చెప్పారు.
ఇక చేసేదేమి లేక రామకృష్ణ మఠంకి వెళ్లి, అక్కడే ఉండి పుస్తకాలు చదువుకుంటూ కొద్ది కాలం ఉండిపోయాను. జరిగినదాని గురించి ఆలోచిస్తే వచ్చేదేమి లేదని అక్కడ చెబుతారు, మనసు ప్రశాంతత అలాగే ఆరోగ్యం రెండూ పాడవుతాయి అంటూ అక్కడ చెప్తారు. అందుకే కావాలనే నా ఇల్లు తగలుబెట్టిన వాళ్ళ గురించి నేను ఆలోచించలేదు అంటూ చెప్పారు.
