అంతరిక్షంలోకి వెళ్లనున్న టిక్ టాకర్.. ఎవరంటే?

సాధారణంగా అంతరిక్షంలోకి వెళ్ళేది కేవలం వ్యోమగాములనే విషయం మనందరికీ తెలిసిందే. అయితే అలాంటి వారిని చూడాలన్నా సాధారణ ప్రజలకు సాధ్యం కాదు. అలాంటిది ఒక సామాన్యురాలు అంతరిక్షంలోకి వెళ్లి అవకాశాన్ని దక్కించుకుంది. అది ఒక సామాన్యురాలికి ఎలా సాధ్యం అయ్యింది అనే విషయాలను తెలుసుకుందాం.

వర్జిన్‌ గెలాక్టిక్‌ స్పేస్‌ టూరిజం సంస్థ వచ్చే సంవత్సరం నుంచి మనుషులను అంతరిక్ష పర్యాటకానికి కృషి చేస్తోంది. ఈ క్రమంలోనే అంతరిక్షంలోకి వెళ్లిన పర్యాటకులకు అనుగుణంగా వారిపై పరిశోధనలను ప్రారంభించింది.ఈ క్రమంలోనే టిక్ టాకర్ గా స్టెమ్‌ అంశాలతోపాటు తల్లిగా తన అనుభవాలను టిక్‌టాక్‌, ఇన్స్టా ద్వారా షేర్ చేస్తూ ఎంతో మంది ఫాలోవర్స్ ని సంపాదించుకున్న కెల్లీ గెరార్డిని ఎంపిక చేశారు.

కెల్లీ కేవలం టిక్ టాకర్ గా మాత్రమే కాకుండా ఆమె ఇంటర్నేషనల్‌ ఇన్‌స్టిట్యూట్‌ ఫర్‌ ఆస్ట్రోనాటికల్‌ సైన్సెస్‌ (ఐఐఏఎస్‌)లో పరిశోధకురాలు. స్పేస్ టూరిజం పై కొంత ఆసక్తి, కొంత ఫాలోయింగ్ ఉండటంతో ఈ విధమైన ప్రయోగాలకు ఈమెను ఎంపిక చేసుకున్నారు. అయితే ఈమె కేవలం అంతరిక్షంలో వెళ్లి రావడానికి మాత్రమే కాకుండా అంతరిక్షంలో ఈమె పై ప్రయోగాలను నిర్వహించనున్నారు. జీరో గ్రావిటీ ఉన్న సమయంలో అంతరిక్షంలో మనిషి శరీరంలో జరిగే మార్పులు, శరీర బరువు పై సుమారు 60 నిమిషాల పాటు పరీక్షలు నిర్వహించనున్నారు. ఈ ప్రయోగ ఫలితాల ఆధారంగా స్పేస్ ఫ్లైట్ లను మరింత సమర్థవంతంగా పునరుద్ధరించాలని ఆలోచన చేస్తోంది.

ఈ సందర్భంగా కెల్లీ మాట్లాడుతూ.. ఇప్పటివరకు అంతరిక్షంలో ప్రయాణించినది కేవలం కొంత మంది మాత్రమే. వారిలో మహిళలు అది అమ్మలు వెళ్లడం చాలా అరుదు. అలాంటి వారిలో నేను భాగస్వామ్యం కావడం తనకు ఎంతో సంతోషంగా ఉందని,తను ఈ పరిశోధనకు ఒప్పు కోవడం ద్వారా మరెంతోమంది పరిశోధకులకు స్ఫూర్తిదాయకంగా ఉంటుందని ఈ సందర్భంగా కెల్లీ గెరార్డి తెలియజేశారు.