Tunisha Sharma: బాలనటిగా ఇండస్ట్రీలోకి అడుగుపెట్టి హిందీ సీరియల్స్ లో సీరియల్ నటిగా ఎంతో మంచి గుర్తింపు సంపాదించుకున్న తునీషా శర్మ షూటింగ్ లొకేషన్లో మేకప్ రూమ్ లో ఉరి వేసుకొని ఆత్మహత్య చేసుకోవడం ఒక్కసారిగా తీవ్ర కలకలం సృష్టించింది. ఈమె ప్రస్తుతం అలీబాబా దస్తాన్ ఈ కాబూల్ సీరియల్ లో నటిస్తున్నారు.
ఈ సీరియల్ షూటింగ్ లోకేషన్ లోనే మేకప్ రూమ్ లో ఈమె ఊరి వేసుకొని ఆత్మహత్య చేసుకున్నారు. ఇది గమనించినటువంటి యూనిట్ హుటాహుటిన ఆసుపత్రికి తరలించడంతో అప్పటికే తునిషా ప్రాణాలు కోల్పోయిందని వైద్యులు తెలియజేశారు. అయితే ఈమె మృతికి గల కారణాలు ఏంటి అనే కోణంలో పోలీసులు దర్యాప్తును వేగవంతం చేశారు.
ఈ క్రమంలోనే పోలీసులు దర్యాప్తులో భాగంగా ఈమె సహనటుడు షీజన్ ఖాన్ ను పోలీసులు అదుపులోకి తీసుకున్నారు.సీరియల్ జోడిగా ఎంతో పేరు ప్రఖ్యాతలు సంపాదించుకున్న వీరిద్దరూ నిజజీవితంలో కూడా ప్రేమలో ఉన్నారని తెలుస్తోంది.ఈ క్రమంలోనే వీరిద్దరూ సోషల్ మీడియా వేదికగా ఒకరి ఫోటోలను మరొకరు షేర్ చేసుకోవడం వంటివి చేసేవారు.
Tunisha Sharma: పోలీసుల అదుపులోకి షీజన్ ఖాన్….
ఇక ఈమె అంతర్జాతీయ పురుషుల దినోత్సవం సందర్భంగా కూడా షీజన్ ఖాన్ కి శుభాకాంక్షలు తెలియజేస్తూ ఇద్దరు కలిసి ఉన్నటువంటి ఫోటోలను షేర్ చేశారు.అయితే ఉన్నపలంగా ఈమె ఆత్మహత్య చేసుకోవడానికి గల కారణం ఏంటి అన్న కోణంలో పోలీసులు దర్యాప్తు చేపడుతూ తన సహనటుడు ప్రియుడు అయినటువంటి షీజన్ ఖాన్ ను అదుపులోకి తీసుకున్నారు.
