Upasana Kamineni : రామ్ చరణ్ మెగాపవర్ స్టార్ గా, మెగాస్టార్ వారసుడిగా సినిమాల్లోకి వచ్చి తండ్రికి తగ్గ తనయుడిగా నిరూపించుకున్నాడు. ఇక రామ్ చరణ్ అపోలో చైర్మన్ ప్రతాప్ రెడ్డి గారి మనవరాలు ఉపాసన కామినేని ని పెళ్లి చేసుకుని పదేళ్లయింది. ఉపాసన అపోలో హాస్పిటల్స్ కు వైస్ ప్రెసిడెంట్ గా వ్యవహారిస్తూ బాధ్యతలు తీసుకున్నారు. ఇక వీరికి తరచూ ఎదురవుతున్న, మెగా వారసుడిని ఎప్పుడు ఇస్తారు అనే ప్రశ్నకు అది మా వ్యక్తిగత విషయం అంటూ ఇన్ని రోజులు చెబుతూ వచ్చేది పలు ఇంటర్వ్యూ ల్లో ఉపాసన.
పిల్లల్ని కనడంపై సద్గురు తో ఆసక్తికర చర్చ…
ఇక ఇటీవలే పదేళ్ల వివాహ వార్షికోత్సవాన్ని ఫారన్ లో చేసుకున్న రామ్ చరణ్, ఉపాసన పిల్లలు గురించి శుభవార్త చెబుతారని మెగా అభిమానులు ఎదురుచూస్తున్నారు. ఇక ఇటీవల ఉపాసన ఆధ్యాత్మిక వేత్త జగ్గీ వాసుదేవ బాబా గారిని కలిశారు. అక్కడ ఆయన అనేక సందేహలను మామూలుగా నివృత్తి చేస్తుంటారు. అలాగే ఉపాసన కూడా తనను అందరూ పిల్లలని కనడం గురించి అడుగుతుంటారు అంటూ సద్గురు ని అడిగారు. నా జీవితంలో ఆర్ఆర్ఆర్ ఉన్నాయి. ఆది సినిమా కాదు, ఒక ఆర్ రిలేషన్, ఒక ఆర్ రీ ప్రొడ్యూస్, ఒక ఆర్ రోల్ ఇన్ మై ఫ్యామిలీ అంటూ చెప్పింది. సద్గురు ఈ ప్రశ్నకు ఆసక్తికర సమాధానం ఇచ్చారు. రిలేషన్ నీ వ్యక్తిగతం నేను మాట్లాడను, ఇక రీ ప్రొడ్యూస్ పిల్లల్ని కనగలిగే సామర్థ్యం ఉండి, ఆరోగ్యంగా ఉండి పిల్లల్ని కనకుండా ఉండేవారు గొప్పవారని దేశ జనాభా పెరగకుండా ఉండటంలో వాళ్ళు సహాయం చేస్తున్నారు.
ఒకవేళ నువ్వు ఆడపులివి అయ్యుంటే నిన్ను పిల్లల్ని కనమని చెప్పుండే వాడిని ఎందుకంటే అంతరించిపోతున్న జాతి మనుగడ అవసరం కాబట్టి. కానీ మనుషులం చాలా మంది మన జాతి వాళ్ళు ఉన్నారు కాబట్టి జనాభా అదుపులో ఉంచడం మంచిది అంటూ సద్గురు మాట్లాడారు. ఇక ఉపాసన ఇలా ఒక పబ్లిక్ వేదికపై తాను పిల్లల్ని కనడం గురించి మాట్లాడటం పై రకరకాలుగా నెటిజన్స్ స్పందిస్తున్నారు. కొంతమంది పిల్లల్ని కనడం దేవుడిచ్చిన వరం నీ తల్లిదండ్రులు కూడా పిల్లల్ని కనడం గురించి అలోచించి ఉంటే నువ్వు ఉండేదానివా అంటూ ప్రశ్నిస్తున్నారు. ఇక మరి కొంతమంది ఇలాంటి ఒక ప్రశ్న పబ్లిక్ వేదికపై అడగడానికి చాలా ధైర్యం ఉండాలి అంటూ అభినందిస్తున్నారు. ఇక సద్గురు గారు పిల్లల్ని కనకపోవడమే ఉత్తమం అన్నట్లుగా పరోక్షంగా చెప్పడం పట్ల ఉపాసన మా అమ్మ, అత్తగారు మీకు ఫోన్ చేస్తారు అంటూ సద్గురుతో చమత్కరించింది.
