Venu swami : సోషల్ మీడియాలో మీ జాతకం ఎలా ఉండబోతోంది, రాబోయే రోజుల్లో ఈ రాసి వారికి పట్టిందల్లా బంగారమే అంటూ జాతకాలకు సంబంధిచిన మరీ ముఖ్యంగా యూట్యూబ్ లో ఎంతోమంది వీడియోలు పెడుతుంటారు. జాతకాలను గ్రహ స్థితులను బట్టి మన తలరాత ఆధారపడి ఉంటుంది అంటూ చెప్పే మాటలను నమ్మే వాళ్ళు ఉంటారు, నమ్మని వాళ్ళు ఉంటారు. అది పూర్తిగా వ్యక్తిగతమైన విషయం. ఇక ఇలాంటి జాతకాలు చెప్పే వారిలో ఈమధ్య కాలంలో యూట్యూబ్ లో తెగ వైరల్ అవుతున్న వ్యక్తి వేణు స్వామి. సెలబ్రిటీల భవిష్యత్తును చెబుతూ బాగా ఫేమస్ అయిన వేణు స్వామి తాజాగా బాలకృష్ణ గురించి మాట్లాడి వైరల్ అయ్యారు.
బాలయ్య అందరిలా ముసుగు వేసుకుని మాట్లాడరు…
వేణు స్వామి బాగా పాపులర్ అయింది సమంత, నాగచైతన్య విడాకుల ఇష్యూ తో. వాళ్ళు వీడిపోతారని ముందే చెప్పేసాడు వేణు స్వామి. ఇక రష్మిక మొదటి ఎంగేజ్మెంట్ విషయంలో కూడా చెప్పానంటూ వేణు స్వామి ఆ మధ్య చెప్పాడు. ఈ మధ్యనే పవన్ కళ్యాణ్, చిరంజీవి చిన్న కూతురు శ్రీజ మరో పెళ్లి మీద కామెంట్స్ చేసాడు. అయితే ఇపుడు బాలకృష్ణ గురించి మాట్లాడుతూ బాలయ్య బాబు బాగా తెలుసనీ సమర సింహా రెడ్డి, నరసింహా నాయుడు సినిమాలకు తానే ముహూర్తం పెట్టానని చెప్పారు.
ఒకసారి ఆయనతో కలిసి మాట్లాడితే చాలా గౌరవంగా చూస్తారని నేను నెక్స్ట్ జరగబోయే విషయాలు ఆయనతో చెబితే మళ్ళీ కొద్ది రోజులకు ఫోన్ చేసి జరిగాయా ఆ రోజు చెప్పినవి అంటూ ఆరా తీశారు. అందరిలా అయన ముసుగు వేసుకుని మాట్లాడరు. బయట బాలయ్య మీద వచ్చే వార్తల్లో నిజం లేదని ఆయన చాలా మంచి మనిషి అంటూ చెప్పాడు వేణు స్వామి. ఇటీవలే వేణు స్వామి విజయ్ దేవరకొండ కెరీర్ అంతగా బాగుండదు అంటూ చెప్పి సంచలనం రేపాడు. ఇక రాజకీయ నాయకుల భవిష్యత్తులను చెబుతూ వైరల్ అవుతున్నారు.
