Vijaya Shanthi : లేడీ అమితాబ్ బచ్చన్, లేడీ సూపర్ స్టార్ విజయశాంతి అగ్రహీలందరితో సినిమాల్లో నటించి మెప్పించింది. ఇక హీరోలతో సమానమైన ఇమేజ్ సొంతం చేసుకుంది. ఇక లేడీ ఓరియెంటెడ్ సినిమాలకు కేర్ ఆఫ్ గా నిలిచిన రాములమ్మ ప్రస్తుతం సంధిగ్ధం లో ఉంది. రాజకీయాల్లో ఒకప్పుడు ఒక వెలుగు వెలిగిన రాములమ్మ ప్రస్తుతం కన్ఫ్యూషన్ మోడ్ లో ఉంది. తెరాస నుండి కాంగ్రెస్ అటు నుండి బీజేపీ లో చేరిన విజయశాంతి ప్రస్తుతం బీజేపీ లో కొనసాగుతోంది. ప్రస్తుతం తెలంగాణ లో కెసిఆర్ కి ధీటుగా ఉంది అంటే బీజేపీ మాత్రమే. ఈమధ్య కాలంలో తెలంగాణ లో బీజేపీ క్రియాశీలకంగా ఉంటూ వచ్చే ఎన్నికల్లో అధికారాన్ని సాధించే దిశగా అడుగులు వేస్తోంది.
పార్టీలో ప్రముఖ్యత లేదు అందుకే సినిమాల వైపు…
తెలంగాణ లో బీజేపీ యాక్టీవ్ మోడ్ లో ఉంటే విజయశాంతిని మాత్రం ఎవరూ పట్టించుకోవడం లేదంట. పార్టీలో తగిన ప్రాముఖ్యత ఇవ్వడం లేదంటూ అసహనం వ్యక్తం చేస్తోంది. ఇటీవల కొన్ని ప్రెస్ మీట్లు పెట్టి మరీ నన్ను మాట్లాడనివ్వడం లేదు అని ప్రాముఖ్యత ఇవ్వడమూ లేదని చురకలు వేశారు. ఇక రాజకీయంగా ఇలా కన్ఫ్యూషన్ లో బీజేపీ పెట్టేయడంతో రాములమ్మ ఇక అయ్యేపని కాదని సినిమాల వైపు చూస్తోందట. ఆ మధ్య మహేష్ బాబు హీరోగా వచ్చిన ‘సరిలేరు నీకెవ్వరు’ సినిమాలో ఒక కీలక పాత్రలో నటించి రీ ఎంట్రీలో అదుర్స్ అనిపించింది.
ఇక ఇప్పుడు చిన్న రామయ్య సినిమాలో నటించబోతోంది అంటూ వార్తలు వినిపస్తున్నాయి. ఎన్టీఆర్ అంటే విజయశంతికి చాలా అభిమానం అంట అందుకే ఎన్టీఆర్ సినిమాలో నటించడానికి ఒప్పుకుందట. ఇక అసలు ఏ సినిమాలో ఎన్టీఆర్ తో నటిస్తోంది, ఒప్పించిన డైరెక్టర్ ఎవరు అన్నది ఇంకా సస్పెన్స్ లో ఉంది. కానీ ఎన్టీఆర్ సినిమాలో నటించడం మాత్రం పక్కా అంటూ వార్తలు వస్తున్నాయి. బాబాయ్ తో హిట్ పెయిర్ గా నిలిచిన జయమ్మ అబ్బాయి సినిమలో ఎలాంటి పాత్రతో రానుందో వేచి చూడాల్సిందే.
