Vishal : తమిళ హీరో అయినా తెలుగులో కుడా ఫ్యాన్ బేస్ తో ఉన్న హీరో విశాల్ పందెం కోడి, భరణి, డిటేక్టివ్, ఎనిమీ, సినిమాలతో తెలుగు ప్రేక్షకులకు మరింత దగ్గరయ్యాడు. ఇక తమిళంలో సినిమాలతో మంచి గుర్తింపు ఉన్న విశాల్ సినిమా పరిశ్రమ కు ఉన్న సంఘం నడిగర్ రాజకీయాల్లో కూడా అంతే చురుగ్గా ఉంటూ నడిగర్ సంఘానికి అధ్యక్షుడు అయ్యాడు. ఇక నడిగర్ సంఘం ఎన్నికలప్పుడు కల్యాణమండపం కట్టించి మొదట ఆ కల్యాణమండపంలో తానే మొదట పెళ్లి చేసుకుంటా అని విశాల్ మాటిచ్చాడు.
ప్రేమించి పెళ్లి చేసుకుంటా…
ఇక విశాల్ నడిగర్ సంఘం ఎన్నికల సమయంలో శరత్ కుమార్ తో గొడవపెట్టుకున్న విశాల్ ఆయన కూతురు వరలక్ష్మి శరత్ కుమార్ తో డేటింగ్ చేస్తున్నారని, పెళ్లి చేసుకుంటారని అప్పట్లో బాగా వినిపించినా విశాల్ కు అనిషా అల్లారెడ్డి తో నిశ్చితార్థం జరిపించారు వారి తల్లిదండ్రులు. అయితే కారణాలు తెలియదు కానీ వారి నిశ్చితార్థం రధ్ధయింది. ఇక నడిగర్ సంఘం ఆధ్వర్యంలో కట్టాల్సిన కల్యాణమండపానికి డబ్బులు లేక, కరోనా లాక్ డౌన్ ఇతర కారణాల వల్ల పనులు ఆగిపోయాయి.
ఇక విశాల్ సినిమాల్లో ప్రస్తుతం బిజీగా ఉన్నాడు. లాఠీ సినిమా షూటింగ్ లో ఉన్న విశాల్ డూప్ లేకుండా యాక్షన్ సన్నివేశాలు చేయడంతో గాయాల పాలయ్యారు. కానీ తాజాగా విశాల్ తన పెళ్లి గురించి ఆసక్తికర వాఖ్యలు చేసారు. పెద్దలు కుదుర్చిన పెళ్లి తనకు సెట్ అవ్వదని, తానే ప్రేమించిన అమ్మాయిని పెళ్లి చేసుకుంటానని చెప్పారు. త్వరలో ఆ అమ్మాయి పేరును చెబుతానని చెప్పి అభిమానులకు షాక్ ఇచ్చాడు. ఇప్పుడు అభిమానులు ఆ అమ్మాయి ఎవరా అని కనుక్కునే పనిలో పడ్డారు.
