VJ Sunny : బిగ్ బాస్ రియాలిటీ షోలో కనపడితే చాలు కావాల్సినంత ఫేమ్ వస్తుంది, ఆడియన్స్ కి దగ్గరవుతాము అనే భావనలో చాలా మంది ఉంటారు. కానీ రియాలిటీ అందుకు భిన్నగా ఉంటోంది. బిగ్ బాస్ లో విన్నర్ గా నిలిచిన వాళ్ళే ఇండస్ట్రీలో, సినిమాల్లో వదిలిపెడితే బుల్లి తెర మీద కూడా పెద్దగా అవకాశాల్లేక ఖాళీగా ఉన్నారు. ఇక మరికొందరు అసలు ఎక్కడున్నారో కూడా ఆడియన్స్ కి తెలియదు. బిగ్ బాస్ సీజన్ 2 విన్నర్ కౌశల్ మండా పరిస్థితి చూస్తే బిగ్ బాస్ లో ఉన్నపుడు ఆర్మీ అంటూ అభమానులు తెగ హడావిడి చేసారు, అసలు బయటికి వచ్చాక క్రేజ్ మామూలుగా ఉండదు అన్నట్లుగా అందరికీ అనిపించినా టీవీ షోలలో అడపాదడపా కనిపించడం తప్పితే కౌశల్ పెద్దగా కెరీర్ లో సక్సెస్ అయింది లేదు. ఇక అభిజిత్, శివ బాలాజీ, వీళ్ళ పరిస్థితీ అంతే. ఇక శివ బాలాజీ ముందు నుండి సినిమాల్లో కాస్త ఉన్నాడు కాబట్టి అలానే నేట్టుకొస్తున్నాడు కానీ పెద్దగా బిగ్ బాస్ నుండి ఒరిగిందేమీ కనిపించడంలేదు.
మన కెరీర్ మనమే నిర్మించుకోవాలి…
ఇక బిగ్ బాస్ సీజన్ 5 విజేతగా నిలిచిన విజే సన్నీ ప్రస్తుతం బుల్లి తెర మీద కనిపించక పోయినా హీరోగా ‘సకల గుణాభి రామ’ అనే సినిమాతో రానున్నాడు. అయితే ఈ సినిమా బిగ్ బాస్ కి వెళ్ళక ముందే చేసినది కాకపోతే బిగ్ బాస్ వల్ల మంచి ఫేమ్ సంపాదించుకున్న సన్నీ ఆ క్రేజ్ ని ఈ సినిమా కు ఉపయోగించుకోవాలని అనుకుంటున్నాడు. ఇక సినిమా ప్రమోషన్స్ కోసం ఇంటర్వ్యూ ల్లో పాల్గొంటున్న సన్నీ బిగ్ బాస్ వాళ్ళను ఇండస్ట్రీ పట్టించుకోవడం లేదు తీసుకోరు అనే టాక్ పైన స్పందించాడు.
బిగ్ బాస్ నుండి బయటికి వచ్చాక ఆఫర్స్ ఉండటం లేదు, ఇండస్ట్రీ లో బిగ్ బాస్ నుండి వచ్చిన వాళ్లను తీసుకోవడం లేదు అన్నది అవాస్తవం అంటూ కొట్టిపడేసాడు. నీ కెరీర్ ఎలా నిర్మించుకోవాలన్నది నీ ఇష్టం, అది నీ నిర్ణయాలను బట్టి ఉంటుంది అంతే దానికి బిగ్ బాస్ కారణం కాదు అంటూ అన్నారు. అవకాశాలకోసం ప్రయత్తినిస్తూనే ఉండాలి, కష్టపడాలి. కష్టపడితేనే ఏదైనా వస్తుంది అంటూ సన్నీ చెప్పాడు.
