బాలకృష్ణ సినిమా చూసి కుర్చీలను విరగ్గొట్టిన ఎన్టీఆర్.. ఎందుకో తెలుసా?

జూనియర్ ఎన్టీఆర్ వ్యాఖ్యాతగా వ్యవహరిస్తున్నటువంటి ఎవరు మీలో కోటీశ్వరులు కార్యక్రమాన్ని నిర్వహిస్తున్న సంగతి మనకు తెలిసిందే. ఈ క్రమంలోనే ఈ కార్యక్రమం ద్వారా తారక్ ఈ కార్యక్రమానికి వచ్చే కంటెస్టెంట్ లతో తన వ్యక్తిగత విషయాల గురించి ముచ్చటిస్తూ ఉంటారు. ఈ సమయంలోనే తాజా ఓ ఎపిసోడ్ లో భాగంగా ఈ కార్యక్రమానికి వచ్చిన కంటెస్టెంట్ కి ఒక వీడియో క్లిప్ చూయించి అది ఏ సినిమాలోది అనే ప్రశ్న వేశారు.

అందుకు అతను వెంటనే బాలకృష్ణ నటించిన నరసింహనాయుడు చిత్రంలోనిది అని కరెక్ట్ సమాధానం చెప్పారు.ఇలా బాలకృష్ణ నటించిన నరసింహనాయుడు చిత్రం అనగానే తనకు గతంలో జరిగిన ఓ సన్నివేశం గుర్తుకు వచ్చి ఈ సందర్భంగా ఆ విషయాన్ని అభిమానులతో పంచుకున్నారు. చిన్నప్పటి నుంచి బాలకృష్ణ అంటే ఎన్టీఆర్ కు ఎంతో అభిమానం. బాలకృష్ణ నటించిన ప్రతి ఒక్క సినిమాను ఎన్టీఆర్ చూసేవారు. ఇలా నరసింహనాయుడు సినిమా విడుదలైనప్పుడు మొదటిరోజే ఈ సినిమాను చూడటానికి థియేటర్ కి వెళ్లానని చెప్పారు.

ఈ సినిమా చూసేటప్పుడు వచ్చిన ఎమోషన్ తట్టుకోలేక ముందున్న కుర్చీని ఒక్క తన్ను తంతే ఆ కుర్చీ విరిగిపోయిందని, అందులో కూర్చున్న వ్యక్తి కింద పడ్డారని ఈ సందర్భంగా తారక్ గతంలో జరిగిన సన్నివేశాన్ని గుర్తు చేసుకున్నారు.

ఇకపోతే ప్రస్తుతం ఎన్టీఆర్ రాజమౌళి దర్శకత్వంలో తెరకెక్కుతున్న RRR చిత్రంలో నటించారు. ప్రస్తుతం ఈ సినిమా పోస్ట్ ప్రొడక్షన్ పనులు శరవేగంగా జరుపుకుంటుంది. ఈ సినిమాను వచ్చే ఏడాది సంక్రాంతి కానుకగా విడుదల చేయనున్నట్లు చిత్ర బృందం ప్రకటించారు. ఈ సినిమా తర్వాత కొరటాల శివ దర్శకత్వంలో మరో సినిమా చేయనున్నట్లు ప్రకటించారు. త్వరలోనే ఈ సినిమా సెట్స్ పైకి వెళ్లనుంది.