Shruthika Samudrala : బుల్లి తెరపై ఎన్నో సింగింగ్ డాన్సింగ్ కాంపిటీషన్ కార్యక్రమాలు ప్రసారం అవుతూ ఎంతోమందిలో దాగి ఉన్న టాలెంట్ ను బయటకు తీసుకురావడమే కాకుండా, వారికి ఇండస్ట్రీలో ఎన్నో అవకాశాలను కూడా కల్పిస్తున్నాయని చెప్పాలి. ఇకపోతే ఇప్పటికే ఎన్నో సింగింగ్ కాంపిటీషన్ కార్యక్రమాల ద్వారా ఎంతో మంది ప్లే బ్యాక్ సింగర్స్ ఇండస్ట్రీకి పరిచయమయ్యారు.
తాజాగా జీ తెలుగులో ప్రసారమవుతున్న సరిగమప సింగింగ్ కాంపిటీషన్ కార్యక్రమం ద్వారా కూడా ఎంతోమంది టాలెంటెడ్ ఉన్నవాళ్లు ఈ కాంపిటీషన్ లో పాల్గొని హోరాహోరీగా పోటీపడ్డారు. చివరికి ఈ సరిగమప షోలో విజేతగా శృతిక సముద్రాల నిలిచారు. జీ సరిగమప- ది సింగింగ్ సూపర్ స్టార్స్’ ఫినాలే కార్యక్రమంలో ‘ఏమాయె నా కవిత’, ‘మెరిసేటి పువ్వా’, ‘సంకురాత్రి కోడి’, ‘కొంచెం నీరు’వంటి అద్భుతమైన పాటలతో ఎంతగానో అందరిని ఆకట్టుకున్నారు.
ఈ క్రమంలోనే ఈమె ఈ కార్యక్రమంలో విజేతగా నిలబడమే కాకుండా ఈ కార్యక్రమానికి విజేత కాకముందే తన పాటతో ఎంతో మంది అభిమానులను సంపాదించుకొని ఏకంగా ఎన్నో బహుమతులను కూడా సొంతం చేసుకుంది.ఇక ఈ కార్యక్రమం ఫినాలేకు ఎనిమిది మంది కంటెస్టెంట్లు చేరగా చివరికి శృతిక సముద్రాల ఈ కార్యక్రమంలో విజేతగా నిలబడ్డారు.
Zee Saregamapa Winner: అమ్మ ఎంతో అండగా నిలిచింది…
ఈ కార్యక్రమానికి విజేతగా నిలబడిన శ్రుతిక మాట్లాడుతూ ఈ విజయం వెనుక తన అమ్మ కష్టం ఎంతో ఉందని ఈమె వెల్లడించారు. చిన్నప్పటినుంచి సంగీతంపై ఎంతో మక్కువ ఉండటంతో తనను సంగీతంలో తన తల్లిదండ్రులు ప్రోత్సహించారని ఇక ఈ విషయంలో తనకు తన తల్లి అండగా నిలబడటం కోసం ఏకంగా తన ఉద్యోగాన్ని కూడా వదులుకుందని ఈమె వెల్లడించారు. ఇలా తన విజయం వెనుక తన తల్లి ఉన్నారంటూ శృతిక ఈ సందర్భంగా వెల్లడించారు.
