స్కూళ్ళలో కండోమ్స్ అందుబాటులో ఉంచాలంటూ సంచలన నిర్ణయం తీసుకుంది అమెరికాలోని షికాగో పబ్లిక్ స్కూల్స్ ఎడ్యుకేషన్ (సీపీఎస్) బోర్డు. ఈ నేపధ్యంలో ఐదవ తరగతి నుంచి ఆపై తరగతులు చదువుతున్న విద్యార్థులకు పాఠశాలల్లో కండోమ్లు అందుబాటులో ఉంచాలని ఆదేశాలు జారీ చేసింది. అయితే కొత్తగా తీసుకున్న నిర్ణయం సీపీఎస్ బోర్డు పరిధిలో ఉన్న 600 స్కూళ్లకు ఈ విద్యా సంవత్సరం నుంచే వర్తించనుంది.
పిల్లకు సెక్స్ ఎడ్యుకేషన్లో ఇది ఎంతగానో ఉపయోగపడుతుందని బోర్డు చెబుతుంది. అయితే దీనిపై పిల్లలతల్లిదండ్రుల నుంచి మిశ్రమ స్పందన వస్తుంది. ఐదో తరగతి చదివే విద్యార్థులకు కండోమ్స్ ఇవ్వాలన్న నిర్ణయాన్ని తీవ్రంగా వ్యతిరేకిస్తున్నారు కొంతమంది తల్లిదండ్రులు. అదే సమయంలో మరికొంత మంది తల్లిదండ్రులు బోర్డు తీసుకున్న నిర్ణయాన్ని ప్రశంసిస్తున్నారు.
