ఒక మహిళా ఉద్యోగిని తన కార్యాలయంలోనే ముద్దు పెట్టుకున్న బ్రిటన్ ఆరోగ్య మంత్రి మ్యాట్ హాన్కాక్ తన పదవికి రాజీనామా చేశారు. ఆ ఫోటోలను ఒక పత్రికా కథనం ద్వారా ప్రచురితం కావడంతో వివాదం చెలరేగింది. అయితే ఆయన తన ఆఫీసులో అలా వ్యవహరించడం.. కరోనా నిబంధనలను ఉల్లంఘించారంటూ తీవ్ర విమర్శలు వెల్లువెత్తాయి. ఈ క్రమంలో ఆయన రాజీనామా చేయాలని డిమాండ్ చేశాయి ప్రతిపక్షాలు.
ఈ నేపథ్యంలో ఇప్పటికే ప్రజలకు క్షమాపణ చెప్పిన ఆయన శనివారం తన పదవికి రాజీనామా చేశారు. హాన్కాక్ రాజీనామాపై బ్రిటన్ ప్రధాని బోరిస్ జాన్సన్ విచారం వ్యక్తం చేశారు.
