సదా – ‘జయం’ సినిమాలో ‘వెళ్లవయ్యా.. వెళ్లు వెళ్లు..’ అనే ఒకే ఒక్కడైలాగ్ సదాకి స్టార్ డం తీసుకొచ్చింది. నేటికీ సదాని ప్రేక్షకులు గుర్తుపెట్టుకున్నారంటే ఈ డైలాగ్ మహత్యమేనని చెప్పవచ్చు. ఆ తరువాత ఒక్కసారిగా బిజీ హీరోయిన్ అయిపోయారు సదా.. తెలుగు తో పాటూ తమిళ్, కన్నడ బాషలలో స్టార్ హీరోయిన్ స్టేటస్ అందుకున్నారు. అయితే మొదట్లో ఎంత ఫాస్ట్ గా స్టార్ డం అందుకుందో అంతే త్వరగానే ఆమె కెరీర్ డౌన్ అయ్యింది. వరుస పరాజయాలతో ఫెడ్ ఔట్ అయిపోయారు సదా. తాజాగా ఈటీవీలోని ‘అలీతో సరదాగా’ ప్రోగ్రాం కి వచ్చిన సదా ఆమె జీవితంలో జరిగిన పలు ఆశక్తికర విషయాలు వెల్లడించారు.
ఈ సమయంలో డైరెక్టర్ తేజతో పనిచేయడం గురించి మాట్లాడుతూ.. షూటింగ్ లో ఆయన తీసే సీన్స్ అన్నీ చాలా నాచురల్ గా ఉండేటట్టు ప్లాన్ చేస్తారట దర్శకుడు తేజ. అయితే జయం సినిమాలో ఓక సీన్ రియలేస్టిక్ గా రావడంకోసం గోడమీద నుంచి దూకించారని చెప్పింది సదా. జయం సినిమా షూటింగ్ సమయంలో ఒక సీన్ కోసం ఒక గోడపై నుంచి దూకాలి. ఇంతకీ ఆ సీన్ ఉన్నదన్న విషయం ముందు డైరెక్టర్ తేజ చెప్పలేదట. తీరా ఆ సీన్ షూటింగ్ చేసే సమయంలో తనను గోడమీద నుంచి దూకమని చెప్పారట.
అయితే ఆ సమయంలో తనకు ఏం చేయాలో అర్థం కాక వాళ్ళ అమ్మా..నాన్నల వైపు చూసిందట. నాన్న వద్దని చెప్పారట. అయితే అప్పుడు వాళ్ళ అమ్మ మాత్రం ఏం పర్లేదు దూకేయ్ నీకేం కాదు అని చెప్పిందట. అమ్మ చెప్పిన మాటతో ధైర్యం తెచ్చుకుని గోడ పైనుంచి దూకేసిందట. ఆ సీన్ బాగా వచ్చిందని కానీ ఆ సమయంలో తనకు చిన్న చిన్న దెబ్బలు తగిలాయని చెప్పుకొచ్చింది. అలానే మరో సినిమా ‘ఔనన్నా కాదన్న’ చిత్రం షూటింగ్ లో కూడా చావు అంచులవరకు వెళ్ళి వచ్చిందట సదా.
