తన భర్త వేరే మహిళతో వివాహేతర సంబంధం పెట్టుకున్నడనే అనుమానంతో భర్తపై యాసిడ్ దాడి చేసింది భార్య. తెలంగాణ, సూర్యాపేట జిల్లా కోదాడలో జరిగింది ఈ సంఘటన. వివరాల్లోకి వెళితే కోదాడ లోని శ్రీనివాస్ నగర్ కాలనీలో నర్సింహారావు, లక్ష్మి దంపతులు నివసిస్తున్నారు.
భర్త నర్సింహారావు వేరే మహిళతో సన్నిహితంగా ఉంటున్నదనే అనుమానంతో వీరిద్దరి మధ్య గత కొంతకాలంగా గొడవలు జరుగుతున్నాయి. తన భర్త మరో మహిళతో సన్నిహితంగా ఉండటాన్ని జీర్ణించుకోలేకపోయిన భార్య లక్ష్మి కోపం తట్టుకోలేకపోయింది. ఉన్నట్టుండి ఒక్కసారిగా భర్తపై యాసిడ్ దాడి చేసింది. ఆమె అలా యాసిడ్ పోయడంతో అది నర్సింహారావు ఎడమ కంట్లో పడింది. దీనితో స్తానికులు అతన్ని హుటాహుటిన కోదాడ ప్రభుత్వ ఆసుపత్రికి తరలించారు.
