ఆర్ నారాయణ మూర్తి. పిపుల్స్ స్టార్. డబ్బు కోసం సినిమాలు చేయడు. జనాల కోసం సినిమాలు చేస్తాడు. జనాలు దోపిడీకి గురవుతున్న విధానాన్ని సినిమాల రూపంలో తెరకెక్కిస్తాడు. జనాల్లో ఆలోచన కలిగేలా చేస్తాడు. నారాయణ మూర్తి అంటే సినీజనాలకు ఎంతో గౌరవం. ముఖ్యమంత్రి స్థాయి వ్యక్తులు కూడా ఆయనకు ఎంతో గౌరవం ఇస్తారు. ఆయన ఇప్పటికీ డబ్బుకోసం ఆశ పడకుండా ప్రజా సమస్యలనే కథలుగా మలిచి సినిమాలు చేస్తుంటాడు. నారాయణ మూర్తి ఇప్పటి వరకు పెళ్లి చేసుకోలేదు. కానీ ఆయనకూ ఓ ప్రేమకథ ఉంది. అదేంటో ఇప్పుడు తెలుసుకుందాం..
నారాయణమూర్తి డిగ్రీ చదువుకున్న రోజుల్లో ప్రేమలో పడ్డాడు. ఒక అమ్మాయిని చాలా ఇష్టపడ్డాడు. ఆమె కూడా నారాయణ మూర్తి అంటే చాలా ఇష్టపడింది. ఆయన సిద్ధాంతాలు ఆమెకు ఎంతో నచ్చేవి. ఆమెతో కొంతకాలం పాటు ప్రేమ కొనసాగించాడు. ఒకరోజు తనను పెళ్లి చేసుకోవాలి అనుకున్నాడు. వాళ్ల ఇంట్లో వారితో మాట్లాడాలి అనుకున్నాడు. అయితే ఆ అమ్మాయి బాగా డబ్బున్న వాళ్ల పిల్ల అని తెలియడంతో తన మనసు మార్చుకున్నాడు. తాను సినిమాలు చేసే వాడిని. మున్ముందు తన జీవితం ఎలా ఉంటుందో తెలియదు. నేను ఎలాగైనా జీవిస్తాను. కానీ అందంగా పెరిగిన అమ్మాయిని ఇబ్బంది పెట్టలేను అనుకున్నాడట. తెలిసి తెలిసి ఆ అమ్మాయిని కష్టాల్లోకి లాగలేను అనుకున్నాడట. పెళ్లి చేసుకోవద్దని నిర్ణయించుకున్నాడట.
ఈ విషయం గురించి ఆ అమ్మాయితో మాట్లాడట నారాయణమూర్తి. తన జీవితం ఎలాంటిదో.. మున్ముందు ఎలా ఉండబోతుందో వివరించాడట. తన వల్ల నువ్వు బాధపడటం ఇష్టం లేదని చెప్పాడట. ఇకనై మళ్లీ నిన్ను కలవను అని చెప్పాడట. మంచి అబ్బాయిని పెళ్లి చేసుకుని హ్యాపీగా జీవితాన్ని గడపాలని చెప్పాడట. నువ్వు సంతోషంగా, సుఖంగా ఉండటమే తాను కోరుకుంటున్నట్లు వెల్లడించాడు. ఆ మాటలకు అమ్మాయి చాలా బాధడిందట. కన్నీళ్లు పెట్టుకుంటూ అక్కడి నుంచి వెళ్లిపోయిందట. ఆ తర్వాత సినిమా అవకాశాల కోసం నారాయణమూర్తి మద్రాసుకు వచ్చాడట. కొంతకాలం తనను తలచుకొని బాధపడ్డాడట. ఆ తర్వాత పెళ్లి చేసుకోకూడదని నిర్ణయించుకున్నాడట.
