కైకాల సత్యనారాయణ.. 45 సంవత్సరాలుగా తెలుగు చిత్ర రంగానికి సేవ చేస్తున్న తెలుగు సినీ నటుడు, మాజీ భారత పార్లమెంటు సభ్యుడు. ఇప్పటి వరకూ 777కు పైగా చిత్రాలలో నటించాడు. ఒక నటుడిగా పౌరాణిక, సాంఘిక, చారిత్రక, జానపద పాత్రలన్నిటిలోనూ నటించి తన నట విశ్వరూపాన్ని చూపించాడు. నాటి తరం హీరోగా, కమెడియన్ గా, విలన్ గా ఇలా ఎన్నో వైవిధ్యమైన పాత్రలను పోషించాడు. తాను పోషించిన వైవిద్యమైన పాత్రలకు గుర్తుగా ఆయన ‘నవరస నటనా సార్వభౌమ’ అనే బిరుదును కూడా సంపాదించుకున్నాడు.
మన దక్షిణాది సినీ పరిశ్రమ గర్వపడే సినిమాలలో ఒక్కటి K.G.F. కన్నడ నటుడు, రాకింగ్ స్టార్ యాష్ హీరోగా తెరకెక్కిన ఈ చిత్రం ఎంత ఘన విజయం సాధించిందో తెలుగు ప్రేక్షకులందరికీ తెలుసు. తెలుగులో ఈ చిత్రాన్ని అప్పట్లో సాయి కొర్రపాటి, విజయ్ కిరగందూర్లతో పాటు కైకాల సత్యనారాయణ సమర్పించు అంటూ టైటిల్స్ లో వేసారు. దీనికి కారణం అయన వారసుడు..
ఈ చిత్రానికి కన్నడలో సహా నిర్మాతగా పని చేసిన కైకాల సత్య నారాయణ కుమారుడు, ముందుగా ఈ చిత్ర విజయాన్ని ఊహించి తెలుగులో ఈ చిత్రానికి సంబంధించిన హక్కులు తానే తీసుకొని టాలీవుడ్ లో విడుదల చేసి కాసుల వర్షం కురిపించుకున్నాడు. అయితే టాలీవుడ్ లో ఈ చిత్రానికి ఈయనతో పాటూ సాయికోర్రపాటి కూడా సహనిర్మాతగా వ్యవహరించారు. ఈవిధంగా ఒక్క టాలీవుడ్ లోనే ఈ సినిమా సుమారు 18 కోట్ల రూపాయిల షేర్ వసూలు చేసిందంటే ఆశ్చర్యం కలుగకమానదు. ఆ సినిమా సమయంలో కైకాల సత్యనారాయణ కు కేజీఎఫ్ చిత్ర యూనిట్ సన్మానం కూడా జరిపారు. ఈ చిత్రం తర్వాత ఆయన వెంటనే ‘K.G.F చాప్టర్ 2’ కి కూడా కన్నడలో సహా నిర్మాతగా పని చేస్తున్నాడు. భవిష్యత్తులో కైకాల సత్యనారాయణ కుమారుడు టాలీవుడ్ లోని సూపర్ స్టార్స్ అందరితోనూ సినిమాలు తియ్యడానికి సిద్ధమౌతున్నాడు.
