సరైన బ్రేక్ కోసం ఎంతోకాలంగా ఎదురు చూస్తున్న తెలుగమ్మాయి ఈషా రెబ్బా. “అంతకుముందు ఆ తరువాత” చిత్రం ద్వారా తెరంగేట్రం చేసిన ఈషా, ఆ సినిమా మంచి విజయాన్ని సాధించినా ఈ అమ్మడుకి మాత్రం ఆశించిన స్థాయిలో అవకాశాలు రాలేదు. యంగ్ టైగర్ ఎన్టీఆర్ తో పాటు “అరవిందసమేత” లో అవకాశం వచ్చినా పెద్దగా ప్రాధాన్యత లేని పాత్ర కావడంతో ఆమెకు పెద్దగా ఉపయోగపడలేదు. రాగాల 24 గంటల్లో, అమీ తుమీ, దర్శకుడు, ఆ!, బందిపోటు, బ్రాండ్ బాబు, వంటి చిత్రాలలో నటించినా ఆమెకు పెద్దగా బ్రేక్ రాలేదు..
ఇక తెలుగులో లాభం లేదు అనుకుంది కాబోలు తమిళ, కన్నడ భాషల్లో తన అదృష్టాన్ని పరీక్షించుకుంటుంది. అయితే తాజాగా బాలీవుడ్ లో ఓక బంపర్ ఆఫర్ కొట్టిందని తెలిసింది. సోనమ్ కపూర్ సోదరుడు హర్షవర్ధన్ కపూర్ హీరోగా రూపొందుతున్న ఓ బాలీవుడ్ చిత్రంలో ఈషా హీరోయిన్ గా ఛాన్స్ కొట్టేసింది. మహిళా సాధికారత నేపథ్యంలో ఈ చిత్రాన్ని తెరకెక్కిస్తున్నట్టు తెలుస్తుంది. రాజ్ సింగ్ చౌదరి ఈ చిత్రానికి దర్శకత్వం భాద్యతలు నిర్వహిస్తున్నారు.
