మూవీ ఆర్టిస్ట్స్ అసోసియేషన్ (మా) ఎన్నికలు త్వరలో జరగబోతున్న నేపద్యంలో చిత్ర పరిశ్రమలో ఎన్నికల హడావిడి మొదలైపోయింది. ఈ ఎన్నికలు సెప్టెంబర్లో జరగాల్సి ఉండగా.. 3 నెలల ముందే పరిశ్రమలో వాతావరణం వేడెక్కింది. ఇప్పటికే ఈ ఎన్నికల్లో అధ్యక్ష పోటీలో బరిలోకి దిగుతున్నట్లు సీనియర్ నటుడు ప్రకాశ్రాజ్, హీరో మంచు విష్ణు, నటి జీవితా రాజశేఖర్, నటి హేమ ప్రకటించారు.
అదలా ఉంటే.. నందమూరి కళ్యాణ్ రామ్ ‘మా’ ఎన్నికల్లో నిలబడతారంటూ ప్రచారం జోరుగా జరుగుతుంది. ప్రముఖ చానళ్లతో పాటూ, సోషల్ మీడియాలో కూడా ఈ ప్రచారం ఊపందుకుంది. అయితే అటువంటిది ఏమి లేదని మీడియాలో జరుగుతున్న ప్రచారం అంతా నమ్మవద్దని నడమూరి కళ్యాన్ రామ్ అధికార ప్రతినిధి ఫుల్ స్టాప్ పెట్టారు. ఈ క్రమంలో సోషల్ మీడియాలో వస్తున్న పుకార్లను నమ్మవద్దని నందమూరి కళ్యాణ్ రామ్ ‘మా’ ఎన్నికల్లో నిలబడటం లేదని స్పష్టం చేశారు.
కాగా.. మా ఎన్నికల్లో మొదటి నుంచీ చురుకైన పాత్ర పోషిస్తున్న సీనియర్ నటుడు ప్రకాశ్ రాజ్ తాజగా తన ప్యానల్ సభ్యుల వివరాలను ప్రకటించారు. మొత్తం 27మందితో ఈ జాబితాను విడుదల చేశారు. అయితే ఇందులో ఎవరు ఏ పదవికి పోటీ చేస్తారో మాత్రం ఆయన చెప్పలేదు.
