కమెడియన్ అలీ.. ఆయన పేరు చెబితేనే మనకు నవ్వు వస్తుంది. ఎందుకంటే.. తెలుగు సినిమా ఇండస్ట్రీలో ఆయన టాప్ కమెడియన్. ఇప్పటికీ ఆయన టాప్ కమెడియన్ గా కొనసాగుతున్నారు. దశాబ్దాల నుంచి ఆయన తెలుగు సినిమా ఇండస్ట్రీలో తనకంటూ ప్రత్యేక స్థానాన్ని సంపాదించుకున్నారు. ఆయన ఇప్పటి వరకు తెలుగు, తమిళం, హిందీ భాషల్లో 1000 కి పైగా సినిమాల్లో నటించారు. ఆయన్ను నంది అవార్డులు, ఫిలిం ఫేర్ అవార్డులు వరించాయి.
ఏపీలోని రాజమండ్రిలో పుట్టిన ఆలీ.. చాలా సాధారణమైన పేద కుటుంబంలో పుట్టారు. ఆయన ఫ్యామిలీ నుంచి ఎవ్వరూ సినిమా ఇండస్ట్రీలోకి వచ్చిన వాళ్లు లేరు. కానీ.. తనకు చిన్నప్పటి నుంచి నాటక రంగం అన్నా సినిమా రంగం అన్నా ఇష్టం. చిన్నప్పటి నుంచే ఆయన సినిమా డైలాగ్ లను మిమిక్రీలు చేస్తుండేవారు. అలా సినిమా రంగంలోకి అడుగు పెట్టారు ఆలీ.
ఆలీ మొదటి సినిమా ఇదే
కమెడియన్ ఆలీ.. 1979 లో నిండు నూరేళ్లు అనే సినిమాతో సినిమా ఇండస్ట్రీలో ఎంట్రీ ఇచ్చారు. ఆ సినిమా దర్శకుడు రాఘవేంద్ర రావు. సీతాకోక చిలుక అనే సినిమా కోసం చిన్నపిల్లాడి వేషం కోసం డైరెక్టర్ భారతీ రాజా వెతుకుతున్నారని తెలిసి.. ఆలీ.. చెన్నైకి వెళ్లారు. అలా.. సీతాకోక చిలుక సినిమాలో ఆయనకు అవకాశం వచ్చింది. చైల్డ్ ఆర్టిస్ట్ గా ఆలీ.. చాలా సినిమాల్లో నటించారు.
కమెడియన్ గా అవకాశం ఇచ్చిన ఎస్వీ కృష్ణారెడ్డి
నిజానికి.. ఆలీ కమెడియన్ అవుదామని ఇండస్ట్రీకి రాలేదు. నటుడు అవ్వాలని వచ్చారు. కానీ.. ఎస్వీ కృష్ణారెడ్డి.. ఆలీలోని కమెడియన్ ను చూసి ఆయనకు కమెడిన్ గా అవకాశం ఇచ్చారు. ఆ తర్వాత ఇక ఆయన తిరిగి చూసుకోవాల్సిన అవసరం రాలేదు. అప్పటి నుంచి కమెడియన్ గా టాలీవుడ్ లో స్థిరపడిపోయారు ఆలీ.
ఆలీ ఇప్పటి వరకు మందు ముట్టలేదట
ఆలీ కమెడియన్ గా, తాగుబోతుగా చాలా సినిమాల్లో నటించారు. తాగుబోతుగా అయితే ఆలీ, బ్రహ్మానందం చాలా సినిమాల్లో నటించారు. ఆ సీన్లు కూడా సూపర్ డూపర్ హిట్ అయ్యాయి. అచ్చం తాగుబోతులాగానే అలీ నటిస్తారు. తాగుబోతుగా ఆలీ నటన చూసి.. చాలామంది ఆలీ నిజంగానే మందు తాగుతాడని అనుకుంటారు. కానీ.. మనకు తెలియని విషయం ఏంటంటే.. కమెడియన్ ఆలీ తను పుట్టినప్పటి నుంచి ఇప్పటి వరకు మందు ముట్టలేదట. తనకు మందు అలవాటే లేదట. బ్రహ్మానందం కూడా ఇప్పటి వరకు మందు ముట్టలేదంటూ కమెడియన్ ఆలీ ఓ ఇంటర్వ్యూలో చెప్పుకొచ్చారు. సినిమా ఇండస్ట్రీలో చాలామందికి మందు అలవాటు ఉంటుంది అనేది చాలా తప్పుడు ప్రచారం అని.. చాలామంది మందు ముట్టరు.. అని చెప్పుకొచ్చారు ఆలీ.
నేనైతే ఇప్పటి వరకు మందు ముట్టలేదు. బ్రహ్మానందం కూడా మందు ముట్టరు. మేము ఇద్దరం కలిసి చాలా తాగుబోతు క్యారెక్టర్లలో నటించాం. నిజానికి.. బ్రహ్మానందానికి తాగుబోతు క్యారెక్టర్ అంటేనే ఇష్టమట. కానీ.. ఇద్దరూ తాగుబోతు క్యారెక్టర్లలో జీవించేస్తారు.
