టాలీవుడ్ హీరోయిన్ రకుల్ ప్రీత్ సింగ్ తన ఫిట్నెస్ ప్రయాణంలో ఎదురైన ఒక కఠిన అనుభవాన్ని తాజాగా పంచుకుంది. జిమ్లో చేసిన ఒక చిన్న నిర్లక్ష్యం తన జీవితంలోనే అత్యంత బాధాకరమైన దశకు దారితీసిందని ఆమె వెల్లడించింది. ఈ విషయాన్ని ఆమె ఒక టాక్ షోలో మాట్లాడుతూ భావోద్వేగంగా వివరించింది.
నేహా ధూపియా, అంగద్ బేడీ హోస్ట్ చేస్తున్న ప్రముఖ చాట్ షోలో భర్త జాకీ భగ్నానీతో కలిసి పాల్గొన్న రకుల్, ఆ రోజుల్లో జరిగిన సంఘటనను గుర్తుచేసుకుంది. ఒకసారి జిమ్లో సేఫ్టీ బెల్ట్ ఉపయోగించకుండా భారీ బరువులు ఎత్తే ప్రయత్నం చేసినట్లు ఆమె తెలిపింది. సుమారు 80 కిలోల బరువుతో డెడ్లిఫ్ట్ చేయడం వల్ల తన వెన్నెముకకు తీవ్ర గాయం జరిగిందని చెప్పింది.
ఆ ఒక్క తప్పు కారణంగా తనకు స్లిప్ డిస్క్ సమస్య వచ్చిందని, దాని ప్రభావంతో దాదాపు 40 రోజుల పాటు పూర్తిగా బెడ్ రెస్ట్ తీసుకోవాల్సి వచ్చిందని రకుల్ వెల్లడించింది. ఎప్పుడూ యాక్టివ్గా ఉండే తనకు ఈ పరిస్థితి మానసికంగా కూడా చాలా కష్టంగా మారిందని ఆమె పేర్కొంది.
శరీరం సహకరించకపోవడం వల్ల చిన్న చిన్న పనులు కూడా ఇతరుల సహాయంతో చేయాల్సిన పరిస్థితి వచ్చిందని, అది తనకు చాలా ఫ్రస్ట్రేషన్కు దారితీసిందని రకుల్ చెప్పింది. శారీరక గాయం కంటే మానసిక ఒత్తిడి ఎక్కువగా ఇబ్బంది పెట్టిందని ఆమె ఆవేదన వ్యక్తం చేసింది.
ఆ కష్ట సమయంలో తన భర్త జాకీ భగ్నానీ ఎంతో అండగా నిలిచాడని రకుల్ ప్రత్యేకంగా గుర్తుచేసుకుంది. చికిత్స సమయంలో, రికవరీ దశలో జాకీ చూపిన శ్రద్ధ, సహాయం తనకు ఎంతో బలం ఇచ్చాయని ఆమె తెలిపింది. భాగస్వామి మద్దతు ఇలాంటి పరిస్థితుల్లో ఎంతో కీలకమని ఆమె అభిప్రాయపడింది.
పూర్తి విశ్రాంతి తర్వాత నెమ్మదిగా కోలుకున్న రకుల్, తిరిగి షూటింగ్లకు, ఫిట్నెస్కు మళ్లీ రీ-ఎంట్రీ ఇచ్చింది. ఫిట్నెస్ విషయంలో ఎంత అనుభవం ఉన్నా సరే, భద్రతా నియమాలను ఎప్పుడూ నిర్లక్ష్యం చేయకూడదని ఆమె ఈ సందర్భంగా సూచించింది.
వ్యక్తిగత జీవితం విషయానికి వస్తే, రకుల్ ప్రీత్ సింగ్ మరియు జాకీ భగ్నానీ 2021 నుంచి రిలేషన్షిప్లో ఉన్నారు. అనంతరం 2024 ఫిబ్రవరి 21న గోవాలో కుటుంబ సభ్యులు, సన్నిహితుల సమక్షంలో వీరిద్దరూ వివాహ బంధంలోకి అడుగుపెట్టారు.
