Aadi Pinishetty : తెలుగు లో బాలకృష్ణ నాగార్జున చిరంజీవి వెంకటేష్ మోహన్ బాబు వంటి హీరోలకు సూపర్ హిట్ సినిమాలు అందించిన దర్శకుడు రవి రాజా పినిశెట్టి వారసుడిగా సినీరంగ ప్రవేశం చేశారు ఆది పినిశెట్టి. ప్రస్తుతం ఆది పినిశెట్టి తమిళ్ హీరో గా కొనసాగుతున్నారు. అయినప్పటికీ అప్పుడప్పుడూ తెలుగు సినిమాలలో కూడా ఈయన నటించారు. గుండెల్లో గోదారి లాంటి సినిమాలో హీరోగా నటించారు. అల్లు అర్జున్ హీరోగా వచ్చిన సరైనోడు సినిమా లో విలన్ గా కూడా నటించి ప్రశంసలు అందుకున్నారు. ప్రస్తుతం ఆది పినిశెట్టి రామ్ హీరోగా వస్తున్న వారియర్ సినిమాలో నటిస్తున్నారు. ప్రస్తుతం ఆది పెళ్లి చేసుకోబుతున్నాడు అన్న వార్తలు వినిపిస్తున్నాయ్.
ఆది పినిశెట్టి – నిక్కీ గల్రానీ ల వివాహం….
యంగ్ హీరో ఆది పినిశెట్టి త్వరలో పెళ్లిచేసుకోబోతున్నాడు. హీరోయిన్ నిక్కీ గల్రానీ ఆది పినిశెట్టి గత కొంత కాలంగా ప్రేమించుకుంటున్న సంగతి తెలిసిందే.ఆది, నిక్కీ.. జంటగా నటించిన ‘యాగవరైనమ్ నా కక్కా’సమయంలోనే ప్రేమలో పడ్డారు . ఇది తెలుగులో మలుపు పేరుతో విడుదలైంది.ఇంకా మరగద నానయం సినిమాలోనూ వీరు కలసి నటించారు. కుటుంబ సభ్యుల సమక్షంలో మార్చి 24న నిశ్చితార్థం జరుపుకున్న వీరు మరికొద్ది రోజుల్లో ఏడడుగులు వేయనున్నారు . వీరి పెళ్లికి ముహూర్తం ఫిక్స్ అయ్యింది అంటూ సోషల్ మీడియాలో ఓ వార్త వైరల్ అవుతోంది . మే 18న చెన్నైలోని ఫైవ్ స్టార్ హోటల్లో వీరి వివాహం జరగబోతోంది అని సమాచారం.
నిశ్చితార్థం సింపుల్ గా చేసుకున్న ఈ జంట పెళ్లి ని ఘనంగా అతిథుల మధ్యలో జరుపుకోవాలని బావిస్తున్నారట.ఫైవ్ స్టార్ హోటల్ వేదిక గా వీరి వివాహం జరగబోతోంది.అయితే దీని గురించి అధికారిక సమాచారం రావాల్సి వుంది.
