Abhinaya Sree : ‘అ అంటే అమలాపురం’ పాటతో ఒక్కసారిగా స్టార్ డమ్ తెచ్చుకున్న అభినయ ఆ తరువాత అడపాదడపా కనిపించినా పెద్దగా అవకాశాలు పలకరించక ఈ మధ్య లాంగ్ గ్యాప్ తరువాత మళ్ళీ బిగ్ బాస్ సీజన్ 6 లో సందడి చేసింది. ప్రస్తుతం బిగ్ బాస్ లో ఉన్న కాంటెస్టెంట్లలో కొంచెం తెలిసిన మొఖాల్లో అభినయ ఒకరు. ఇక ఈ వారం అందరికీ షాక్ ఇస్తూ అభినయ హౌస్ నుండి వెళ్ళిపోయింది. ఆది రెడ్డి, అభినయ చివరి దాకా ఎలిమినేషన్ లో ఉండి ఆది రెడ్డి వెళ్తాడని అందరూ భావించినా అభినయ వెళ్ళిపోయింది. ఇక నాగార్జున వద్దకు స్టేజి మీదకు వెళ్ళాక తన జర్ని బిగ్ బాస్ హౌస్ లో చూసుకుని ఎమోషనల్ అయింది.
నన్ను బిగ్ బాస్ మోసం చేసింది…
ఎలిమినేట్ అయి బయటికి వచ్చిన అభినయ శ్రీ బిగ్ బాస్ మీద కామెంట్స్ చేసారు. బిగ్ బాస్ లో తనకి అన్యాయం జరిగిందంటూ ఆరోపించింది. బిగ్ బాస్ వల్ల మళ్ళీ కెరీర్ కి ప్లస్ అవుతుంది అని అనుకుంటే అలా జరగలేదంటూ చెప్పింది. మా ఇంట్లో వాళ్ళు చెప్పిన దాని ప్రకారం నాకసలు మొదటి రోజు నుండి స్క్రీన్ స్పేస్ ఇవ్వలేదు. లాస్ట్ లో రేవంత్ తో ఉన్న వీడియో మాత్రమే టీవిలో చూపించారు. నేను బయటికి వస్తాను అని అనుకోలేదు అంటూ చెప్పింది.
ఇక ఆది రెడ్డి, రేవంత్ చాలా కన్నింగ్. ఇద్దరూ కన్నింగ్ గా గేమ్ ఆడుతారు. ఇక గీతూ స్మార్ట్ గేమ్ ఆడుతోంది. ఇనయ ఎక్కడ ఏమి మాట్లాడాలో తెలియకుండా అది మాట్లాడేస్తుంది అంటూ అభిప్రాయపడింది. ఇక బిగ్ బాస్ లో రోజుకు 40వేల చొప్పున ఐదు లక్షల రెమ్యూనరేషన్ అభినయ తీసుకున్నట్లు జరిగిన ప్రచారం లో నిజం లేదని అంత రెమ్యూనరేషన్ నాకేం ఇవ్వలేదంటూ అభినయ చెప్పింది.
