Aacharya trailer confused mega fans : ఓటమి లేని దర్శకుడిగా కొరటాలకు మంచి పేరుంది. మిర్చి నుండి ఇప్పటి వరకు ఒక్కసినిమా కూడా పరాజయం పొందలేదు. ఇక అలాంటి సక్సెస్ ఫుల్ డైరెక్టర్ కాంబినేషన్లో మెగాస్టార్ సినిమా అంటే అభిమానుల అంచనాలు మాములుగా ఉండవు అసలే సందేశాత్మక చిత్రాన్ని కమర్షియల్ వాసనతో చూపించే కొరటాల మాస్ హీరోని ఇంకెలా చూపిస్తాడో అని అభిమానులు ఎదురుచూశారు. ఇక అందులోను మెగాస్టార్ తో పాటు ఫాన్స్ కి మరో బోనస్ రామ్ చరణ్ తేజ్.
మెగా పవర్ స్టార్ తన తండ్రితో ఫుల్ లెన్త్ పాత్రలో నటించడం ఇది తొలిసారి దీంతో అభిమానుల అంచనాలు ఆకాశానంటాయి. కొరటాల కూడా సినిమా విషయంలో చాలా జాగ్రత్త తీసుకున్నాడు. ఇక ఇంతవరకు ప్రతి సినిమా హిట్ అందుకే ఈ సినిమా విషయంలో ఎక్కువ కేర్ తీసుకున్నాడట. ఇక సినిమా విడుదల దగ్గరపడటంతో థియేరిటికల్ ట్రైలర్ ను విడుదల చేసారు.
మెగా అభిమానులను ట్రైలర్ ఆకట్టుకుందా…..
ఆచార్య సినిమా అనేది మెగాస్టార్ హీరోగా తెరకెక్కిన సినిమా. కానీ, ట్రైలర్ కటింగ్ మాత్రం చరణ్తో మొదలవడం కాస్త ఆశ్చర్యానికి గురి చేసింది. చాలా రోజుల తర్వాత మెగాస్టార్ తెరమీద కనిపించడం హైలైట్ గా దర్శకుడు చూపిస్తాడని భావించిన అభిమానులకు చిరంజీవి ఎంట్రీ అంతగా ఆకట్టుకోలేదు. ఇక చరణ్ ను ఫస్ట్ చూపించడం మరియు ఎక్కువ చూపించడంతో అభిమానుల్లో కన్ఫ్యూషన్ మొదలైంది. అసలు ఇందులో ఎవరు మెయిన్ హీరో చరణా లేక చిరంజీవినా అన్న అనుమానం అభిమానుల్లో వచ్చింది.ఆర్ఆర్ఆర్ సినిమా భారీ సక్సెస్ కారణంగా చరణ్ను హైలెట్ చేస్తూ ఇంకా ఉత్తరాది ప్రేక్షకులను, వసూళ్ళను టార్గెట్ చేస్తూ ఈ ట్రైలర్ కట్ చేసి ఉండొచ్చుననే అభిప్రాయాలు వెల్లువెత్తుతున్నాయి. ట్రైలర్ ప్రారంభం లో చరణ్ కంటే చిరు కనిపిస్తే వచ్చే హైప్ మరోలా ఉండేది.
