Actor Josh Ravi : తెలుగులో చిన్నగా సినిమాల్లో తన ప్రయాణం మొదలుపెట్టిన రవి, నాగచైతన్య జోష్ సినిమాతో మంచి గుర్తింపు తెచ్చుకుని, జోష్ రవి గా తన పేరు పెట్టుకున్నాడు. ఇప్పటి వరకు చాలా సినిమాల్లో కమెడియన్ గాను, క్యారెక్టర్ ఆర్టిస్టుగాను చేసిన జోష్ రవి అమ్మ నాన్న తరువాత నాకు దైవం చిరంజీవి గారు అంటు చెప్తాడు. మా టీవీ లో ఎవరు మీలో కోటీశ్వరులు షో కోసం చిరంజీవి గారిని అనుకరించడం ఆయన సమక్షంలో అవన్నీ చేయడం మరచిపోలేనిది అంటూ చెప్పే రవి ఇండస్ట్రీలో ఎన్నో అవమానాలను ఎదుర్కొన్నట్లు చెప్పారు.
ఖలేజా సినిమా టైంలో అవమానించారు…
మహేష్ బాబు హీరోగా త్రివిక్రమ్ శ్రీనివాస్ డైరెక్టర్ గా వచ్చిన సినిమా ఖలేజా. బాక్స్ ఆఫీస్ వద్ద పెద్దగా ఆడకపోయినా సినిమా టీవీలో మాత్రం మంచి రేటింగ్స్ అందుకుంటుంది. ఆ సినిమాలో చేసే సమయంలో తనకు ఎదురైన అనుభవాలను రవి పంచుకున్నారు. త్రివిక్రమ్ అనగానే ఆయన డైలాగులకు ఫేమస్. ఆలాంటి ఆయన తన సినిమా క్లైమాక్స్ డైలాగ్ ను జోష్ రవికి మొదట వినిపించి ఎలా ఉందో చెప్పమన్నారట.
ఇప్పటికీ ఆ సినిమాలో ఆ డైలాగ్ విన్నపుడు చాలా ఆనందంగా ఉంటుంది అంటూ చెప్పిన ఆయన అక్కడ షూటింగ్ లో తింటుంటే ప్రొడక్షన్ వాళ్ళు పక్కకి పోయి తిను ఇక్కడ కాదు అంటూ చెప్పారు, అపుడు కొంచం బాధ అనిపించింది. మనకు డైరెక్టర్లు పరిచయం ఉన్నా అవకాశాలు ఉన్నా మన స్థాయి మనకు గౌరవం తెస్తుంది అందుకే ఆది ఆ ప్రొడక్షన్ వాళ్ళ తప్పు కూడా కాదు అని అంటాను. మనకంటూ ఒక గుర్తింపు ఉంటే ఇలా అవ్వదు అనిపిస్తుంది అంటూ చెప్పారు.
