సౌత్ ఇండియన్ సూపర్ స్టార్ రజినీ కాంత్ కు వున్న ఫ్యాన్స్ ఫాలోయింగ్ గురించి ప్రత్యేకంగా చెప్పనవసరం లేదు. కోలీవుడ్ తో పాటు టాలీవుడ్, బాలీవుడ్ ఓవర్సీస్ లో కూడా రజనీ కాంత్ కి పెద్ద మార్కెట్ ఉంది. అలాగే 5 దశాబ్దాల సుదీర్ఘ సినిమా జీవితంలో శ్రీదేవి ఎన్నో వైవిధ్యమైన పాత్రలను పోషించింది. తన కెరీర్ అత్యున్నత స్థాయిలో ఉన్నప్పుడు, ఇండియన్ సినీరంగంలోనే అత్యధిక రెమ్యునరేషన్ తీసుకుంటున్న కాలంలోనే నటనను వదిలిపెట్టి తను మరణించేంతవరకూ కూడా కుటుంబ బాధ్యతలకే పరిమితమైపోయింది శ్రీదేవి. ఇక అసలు విషయానికి వస్తే..
ఇప్పుడు సౌత్ ఇండియన్ సూపర్ స్టార్ రజినీ కాంత్, శ్రీదేవిల ప్రస్తావన ఎందుకొచ్చిందంటే.. గతంలో మన రజనీకాంత్ అనారోగ్యానికి గురైనప్పుడు బాలీవుడ్ ప్రముఖ నటి శ్రీదేవి 7 రోజుల పాటు ఉపవాసం వుందట. 2011లో ‘రోబో’ చిత్రం షూటింగ్ లో వున్నప్పుడు సూపర్ స్టార్ రజనీకాంత్ ఆరోగ్య పరిస్థితి విషమంగా ఉందని, ఆ తర్వాత అతన్ని సింగపూర్లోని ఆసుపత్రికి తరలించారని వార్తలొచ్చాయి. తన ఫ్రెండ్ ద్వారా ఈ సంగతి తెలుసుకున్న శ్రీదేవి..
రజనీకాంత్ వీలైనంత త్వరగా కోలుకోవాలని పూణేలోని సాయి బాబా గుడికి వెళ్లి షిర్డీ సాయి బాబాను ప్రార్థిస్తూ.. 7 రోజులు ఉపవాసం వుందంట. శ్రీదేవి, రజనీ కాంత్ కలిసి గతంలో ‘ముండ్రు ముడిచు’, ‘జానీ’ వంటి కొన్ని సూపర్ హిట్ చిత్రాలలో నటించారు. ఆగస్టు 13 న శ్రీదేవి 57 వ పుట్టినరోజు. ఈ సందర్భంగా శ్రీదేవి ఫ్యాన్స్ మన టాలీవుడ్ అతిలోక సుందరిని గుర్తు చేసుకుంటూ సోషల్ మీడియాలో కొన్ని పోస్టులను షేర్ చేశారు.
