Adhire Abhi : ప్రభాస్ సినిమా ఈశ్వర్ తో తెలుగు సినిమా ఇండస్ట్రీకి పరిచయమయ్యాడు అభినయ కృష్ణ. జబర్దస్త్ లో అడుగుపెట్టి అదిరే అభిగా బాగా గుర్తింపు తెచ్చుకున్నాడు. సినిమాలపైన ఇష్టంతో సాఫ్ట్ వేర్ జాబ్ వదిలేసి ఇండస్ట్రీలో అవకాశాల కోసం తిరిగాడు. జబర్దస్త్ లో చాలా ఏళ్లుగా స్కిట్స్ చేస్తూ అలరిస్తున్నాడు. ఇక సినిమాల్లో అడపాదడపా నటిస్తూ ప్రేక్షకులకు అందుబాటులో ఉంటున్నాడు.
షూటింగ్ లో ప్రమాదం….
ఈ మధ్య కాలంలో జబర్దస్త్ నుండి చాలా మందీ ఫేమస్ కమెడియన్స్ వెళ్లిపోయారు అలాగే అదిరే అభి కూడా జబర్దస్త్ వదిలేసాడు. చాలా ఏళ్లుగా జబర్దస్త్ తో ఉన్న అనుబంధాన్ని ఇంకా మంచి అవకాశాల కోసం వదిలి వెళ్లిపోతున్నారు. సినిమాల్లో అవకాశాలు జబర్దస్త్ ను వీడడానికి మరో కారణం. ఇపుడు అదిరే అభి కూడా సినిమాల్లో అవకాశాలు రావడంతో జబర్దస్త్ కు గుడ్ బై చెప్పాడు. కాగా ప్రస్తుతం ఒక సినిమాలో హీరోగా లీడ్ రోల్ చేస్తున్నాడు. ఆ సినిమా షూటింగ్ లో యాక్షన్ సన్నివేశాలను చేసేటపుడు ప్రమాదం జరిగింది. అభి చేతికి, కాలికి గాయాలు తగిలాయని సమాచారం.
ముఖ్యంగా చేతికి తీవ్రగాయలు అయ్యాయి. వెంటనే హాస్పిటల్ కి తరలించగా చేతికి 15కుట్లు పడ్డాయని సినిమా బృందంలోని వ్యక్తి సమాచారమిచ్చారు. అయితే అదిరే అభి ఆరోగ్యం ప్రస్తుతం నిలకడగా ఉందని వైద్యులు తెలిపారు. ఇక అదిరే అభి త్వరగా కోలుకోవాలని అభిమానులు ఆశిస్తున్నారు.
