Adipurush Collections : సాహో, రాధే శ్యామ్ డిజాస్టర్స్ గా మిగలడంతో నెక్స్ట్ వస్తున్న డార్లింగ్ సినిమాల మీద అభిమానుల అంచనాలు భారీగా ఉన్నాయి. కసిగా డార్లింగ్ సక్సెస్ కోసం వెయిట్ చేస్తున్నారు. మళ్ళీ బాహుబలి అంత రేంజ్ లో హిట్ కొట్టి సత్తా చూపాలని ఎదురుచూస్తున్నారు. ఇక ప్రభాస్ ప్రస్తుతం చేస్తున్న సినిమాలు కూడా అభిమానుల అంచనాలకు ఏమాత్రం తీసిపోని భారీ బడ్జెట్ సినిమాలు. కేజీఎఫ్ డైరెక్టర్ ప్రశాంత్ నీల్ సినిమా సలార్, మహానటి డైరెక్టర్ నాగ్ అశ్విన్ డైరెక్షన్ లో ప్రాజెక్ట్ కే, ఇక ఓం రౌత్ దర్శకత్వంలో ఆదిపురుష్. అన్ని పెద్ద ప్రాజెక్ట్ లే అలాగే పాన్ ఇండియా సినిమాలే. ఇక ఇందులో రెండేళ్ల నుండి ఉరిస్తున్న సినిమా ఆదిపురుష్. ఈ సినిమా అప్పుడు వస్తుంది ఇప్పుడు వస్తుంది అని అభిమానులు ఎదురుచూస్తూనే ఉన్నారు. ఆఖరికి ఈ సినిమా విడుదల అయింది. నేడు అన్ని థియేటర్లల్లోను ఆదిపురుష్ మేనియా మొదలయింది.
పాన్ ఇండియా రియల్ సూపర్ స్టార్…
ప్రభాస్ బాహుబలి సినిమాతోనే పాన్ ఇండియా సూపర్ స్టార్ గా ఎదిగాడు. అయితే ఆ తరువాత వచ్చిన సాహో, రాధే శ్యామ్ డిశాస్టర్స్ గా మిగిలినా కలెక్షన్స్ హిందీ బెల్ట్ లో బాగానే వచ్చాయి. ఇక ఇప్పుడు ఆ కొరత ఆదిపురుష్ సినిమా తీర్చినట్లే అనిపిస్తోంది. మిశ్రమ స్పందనతో నడుస్తోన్న ఆదిపురుష్ మొదటి రోజు వసూళ్లు 150 కోట్ల పై మాటే అంటూ సినిమా వర్గాలు చెబుతున్నాయి.
కేవలం ఇండియా లోనే కాకుండా వరల్డ్ వైడ్ ఆదిపురుష్ మేనియా సాగుతోంది, ఇదంతా ప్రభాస్ క్రేజ్, ఇప్పుడు ప్రభాస్ ఇండియా కే కాదు గ్లోబల్ స్టార్ అయిపోయాడు. 1000, 1500 కోట్ల మార్కును సునాయసంగా మన డార్లింగ్ దాటేస్తుంటే అభిమానులు ఖుషి అవుతున్నారు.
