Akhanda, Pushpa : సౌత్ సినీ ఇండస్ట్రీ ప్రతిష్టాత్మాకంగా ప్రతి యేటా అవార్డుల ప్రధానోత్సవం జరుగుతుంది. తెలుగు, తమిళ, మలయాళం, కన్నడ భాషలకు సంబందించిన సినిమాలకు ఈ అవార్డులు ఇవ్వడం జరుగుతుంది. 2021 సంవత్సరానికి గాను ఈ అవార్డుల ప్రధానోత్సవం సెప్టెంబర్ 10, 11 తేదీలలో జరగనుంది. అయితే ఈ అవార్డుల కోసం నామినేషన్లోకి వెళ్లిన సినిమాలు, అవి ఎన్ని విభాగాలలో పోటీ పడుతున్నాయో కూడా వివరాలు తెలియజేసారు.
కొనసాగుతున్న పుష్ప, అఖండ సినిమాల హవా…
గతేడాది కరోనా తరువాత ప్రేక్షకులను థియేటర్ వద్దకు రప్పించి బిగ్గెస్ట్ బ్లాక్ బస్టర్ హిట్లుగా నిలిచిన సినిమాలలో అఖండ, పుష్ప ది రైజ్ సినిమాలు ముందువరసలో ఉంటాయి. హిట్లుగా నిలవడమే కాదు, బుల్లితెర మీద ప్రసారం అయినపుడు కూడా మంచి రేటింగులు సాదించాయి. నిర్మాతలకు లాభాన్ని మిగిల్చాయి. పుష్ప సినిమా అయితే పాన్ ఇండియా రేంజ్ లో విజయం సాధించింది. అల్లు అర్జున్ హీరోగా సుకుమార్ డైరెక్షన్ లో వచ్చిన ఈ సినిమా ఏకంగా 12 విభాగాలకు నామినేట్ అయింది. అంతేకాక దక్షిణాది భాషల్లో మరే సినిమా కూడా ఇన్ని విభాగాలలో నామినేట్ అవ్వలేదు.
ఇక నందమూరి బాలకృష్ణ హీరోగా వచ్చిన అఖండ సినిమా 10 విభాగాలకు నామినేట్ అయ్యి రెండో స్థానంలో నిలిచింది. చిన్న సినిమాల జాబితాలో బిగ్గెస్ట్ హిట్లుగా నిలిచిన జాతి రత్నాలు, ఉప్పెన సినిమాలు కూడా చాలా విభాగాలకు నామినేట్ అయ్యాయి. నవీన్ పోలిశెట్టి హీరోగా వచ్చిన జాతిరత్నాలు 8 విభాగలకు నామినేట్ అయ్యి మూడవ స్థానంలో వుంది. ఇక వైష్ణవ్ తేజ్ హీరోగా వచ్చిన ఉప్పెన కూడా 8 స్థానాలకు నామినేట్ అయ్యింది. ఈ నాలుగు సినిమాలు విభిన్న కథలతో ప్రేక్షకులకు ముందుకు వచ్చినా అన్ని మంచి విజయాలను అందుకున్నాయి.
