Ali : స్టార్ కమెడియన్ గా తెలుగు తెరపై నవ్వులు పూయిస్తున్న అలీ ప్రస్తుతం స్పీడ్ తగ్గించారు. సినిమాల్లో తక్కువగా కనిపిస్తున్నారు. ఈటీవీ లో ప్రసారమయ్యే అలీతో సరదాగా షో లో యాంకర్ గా ఉంటూ అపుడపుడు సినిమాల్లో కనిపిస్తున్న అలీ f3 సినిమాతో త్వరలో మన ముందుకు రాబోతున్నారు. ఇక f3 సినిమా ప్రచారాల్లో భాగంగా సినిమాలో తన పాత్ర గురించి, సినీ కెరీర్, తన రాజకీయ భవిష్యత్తు గురించి మాట్లాడారు.
F3 లో పాత్ర అందరిని ఆకట్టుకుంటుంది…..
ఇక f3 సినిమాలో నటించిన ఆలీ సినిమా గురించి చెబుతూ సినిమా ఆసాంతం నవ్విస్తుందని ఇందులో తన పాత్ర పేరు పాల బేబీ అనే ఒక వడ్డీ వ్యాపారి అని ఆడవాళ్లంటే విపరీతమైన గౌరవం ఉంటుందని సినిమా చివర్లో అసలు విషయం తెలుస్తుందని వివరించారు. ఇక సినిమాలో 45 నిమిషాల పాటు తన పాత్ర ఉంటుందని చెప్పారు. F3 సినిమా పైసా వసూలు అని వంద రూపాయల టికెట్ కొంటే మూడోందల రూపాయల ఎంటర్టైన్మెంట్ గ్యారెంటీ అని చెప్పారు.
జగన్ నన్ను రాజకీయంగా నిలబెడతానని మాటిచ్చారు….
ఇక కామెడీ టైమింగ్ లో చిరంజీవి,వెంకటేష్, మోహన్ బాబు, పవన్ కళ్యాణ్, ఎన్టీఆర్, మహేష్ బాబులు ఎక్స్పర్ట్స్ అంటూ చెప్పారు. ఇక రాజకీయాల గురించి ప్రస్తావించగా సినిమాల్లో నన్ను నిలబెట్టింది కృష్ణ రెడ్డి గారూ ఇక అలాగే నన్ను రాజకీయాల్లో నిలబెట్టింది జగన్ మోహన్ రెడ్డి గారు. ఆయన నాకు ఏ హామీ ఇవ్వలేదు. ఏదో ఒక రోజు కాల్ వస్తే మీ సమక్షంలోనే ఆ విషయాన్నీ పంచుకుంటా అంటూ మీడియాతో ముచ్చటించారు.
