Ameer khan : బాలీవుడ్ మిస్టర్ పర్ఫెక్ట్ అమీర్ ఖాన్ ఎవరో నాకు నిజంగా తెలియదు అంటూ షాకిచ్చాడు బాలీవుడ్ సీనియర్ నటుడు అన్ను కపూర్. అమీర్ ఖాన్ ఎవరో తెలియని వాళ్ళు, అది కూడా సినిమా ఇండస్ట్రీ లో ఉంటారంటే ఆశ్చర్యంగానే ఉంటుంది. ఆయన సినిమాలు బాక్స్ ఆఫీస్ వద్ద మంచి వసూళ్ళని రాబట్టుకుంటాయి. అమీర్ నటించిన లాగాన్, త్రీ ఇడియట్స్, తారే జమీన్ పర్, వంటి సినిమాలు సౌతలోనూ అలరించాయి. ఇక దంగల్ సినిమా అయితే ఇండియన్ బాక్స్ ఆఫీస్ ని షేక్ చేసింది. అత్యధిక వసూళ్లు అందుకున్న టాప్ 5 సినిమాల్లో చోటు సంపాదించుకుంది. అలాంటి ట్రాక్ రికార్డు ఉన్న అమీర్ ఖాన్ అంటే ఎవరో తెలియదని ఒక బాలీవుడ్ నటుడు చెప్పడం విడ్డూరంగా ఉంది.
నిజంగా నాకు తెలియదు…
అన్ను కపూర్ రేడియో డిస్క్ జాకి గా, టీవీ యాక్టర్ గా, సినిమాల్లో క్యారెక్టర్ ఆర్టిస్ట్ గా ఎన్నో సినిమాల్లో నటించిన అనుపమ్ కపూర్, తన నలభై ఏళ్ల కెరీర్ లో బాలీవుడ్ లో ఎన్నో సినిమాల్లో నటించారు. ఇక తాజాగా ఆయన వీడియో షో క్రేష్ కోర్స్ అమెజాన్ ప్రైంలో విడుదల అయింది. అయితే ఈ షో ప్రచార కార్యక్రమంలో పాల్గొన్న అన్ను కపూర్ కి ఒక జర్నలిస్ట్ నుండి ‘లాల్ సింగ్ చద్దా’ సినిమా గురించి ప్రశ్న ఎదురైంది. ఎవరి సినిమా అని అడుగగా అమీర్ ఖాన్ సినిమా అనగానే అమీర్ ఖాన్ ఎవరో నాకు తెలియదు.
నేను సినిమాలు చూడను నాకు పెద్దగా తెలియదు అంటూ సమాధానం చెప్పడంతో అక్కడ ఉన్న అందరూ షాక్ అయ్యారు. బాలీవుడ్ టాప్ హీరోస్ లో ఒకరైన అమీర్ ఖాన్ తెలియక పోవడం ఏమిటి అని ఆశ్చర్య పోతున్నారు. ఇక అమీర్ నటించిన లాల్ సింగ్ చద్దా సినిమా విడుదలకు సిద్ధమై ప్రమోషన్స్ లో బిజీగా ఉన్నారు. ఇక ఇటీవలే బ్యాన్ లాల్ సింగ్ చద్దా అంటూ ట్విట్టర్ ట్రెండ్ కూడా జరిగింది. ఇక ఈ సినిమాలో నాగచైతన్య కూడా నటిస్తుండడం మరో విశేషం.
