Analyst Damu Balaji : సరూర్ నగర్ అప్సర హత్య కేసులో ఇప్పటికే సాయి కృష్ణ తానే చంపినట్లు పోలీసుల విచారణలో ఒప్పుకున్నాడు. అయితే ఈ కేసులో రోజుకో కొత్త ట్విస్ట్ తెలుస్తోంది. అప్సర బ్యాక్ గ్రౌండ్ గురించి ఆసక్తికర విషయాలు వెలుగులోకి వచ్చాయి. ఆమె మొదటి భర్త మరణం, ఆపైన హైదరాబాద్ కి తల్లి కూతుళ్ళు రావడం, ఇక్కడ సాయికృష్ణతో ఎఫైర్ వంటి విషయాల మీద ఇప్పటికే పలు కథనాలు వినిపించాయి. అయితే తాజాగా పోలీసులు సాయి కృష్ణ అప్సర ను ఎలా హత్య చేసాడు, ఆమెను ఎలా మాన్ హోల్ లో వేసి సాక్ష్యాలు లేకుండా చేసాడో రీ కన్స్ట్రక్షన్ కార్యక్రమం జరిపారు. అయితే సాయికృష్ణ తండ్రి పోలీసుల ఎదుట చెప్పిన ఆసక్తికర విషయాల గురించి అనలిస్ట్ దాము బాలాజీ మాట్లాడారు.
అప్సర బ్యాంకు అకౌంట్ చూడండి…
సాయికృష్ణ తండ్రి మొదటి నుండి తన కొడుకు తప్పు చేయలేదని అప్సర బాగా వేధించింది అంటూ చెప్పుకొస్తుండగా తాజాగా సాయికృష్ణ ను పోలీసులు విచారించగా అందులో సాయికృష్ణ తండ్రి పోలీసులతో అప్సర అలాగే ఆమె తల్లి బ్యాంకు అకౌంట్లను పరిశీలించాలని చెప్పడం జరిగింది అంటూ బాలాజీ అభిప్రాయపడ్డారు.
అప్సర టార్చర్ భరించలేక మా అబ్బాయి ఇలా చేసాడు అంటూ సాయికృష్ణ తండ్రి చెబుతున్నా నిజానికి ఆమె అంత వేదిస్తుంటే పెద్దవాళ్లకు చెప్పుండొచ్చు లేక పోలీసుల సహాయం తీసుకుని ఉండవచ్చు, హత్య చేయడం ఏమిటి అంటూ బాలాజీ అభిప్రాయపడ్డారు. అప్సర ఎలాంటి మహిళ అయినా సాయికృష్ణ ఒక నిండు ప్రాణాన్ని తీసుకొన్నాడు. అది శిక్షార్హం అంటూ చెప్పారు.
