Analyst Damu Balaji : కమెడియన్ వేణు గారు డైరెక్టర్ గా మారి ఒక మంచి ఫీల్ గుడ్ మూవీని తీశారు. కమెడియన్ కాబట్టి కామెడీ సినిమా తీస్తారని అందరూ అనుకున్నా అందుకు భిన్నంగా ఒక ఎమోషనల్ డ్రామాను చావుతో ముడిపడిన బంధాలను చూపించి ఆకట్టుకున్నాడు. చిన్న సినిమాగా వచ్చిన ‘బలగం’ సినిమా నేడు థియేటర్స్ లో డీసెంట్ కలెక్షన్స్ అందుకుంటోంది. అందులో నటించిన ఆర్టిస్టులందరికీ మంచి పేరు తెచ్చిపెట్టింది. ఒక చిన్న చినుకులాగా మొదలై జడివాన లాగా మారినట్లు బలగం సినిమా కూడా చిన్నసినిమాగా మొదలై ప్రజల అభిమానంతో పాటు ఎన్నో అవార్డులను కూడా గెలుచుకుంటోంది.
అంతర్జాతీయ గుర్తింపు తెచ్చుకున్న బలగం…
అనలిస్ట్ దాము బాలాజీ గారు బలగం సినిమా గురించి మాట్లాడుతూ పూర్తిగా ఒక తెలంగాణ సంప్రదాయాన్ని ప్రొజెక్ట్ చేసే సినిమా, నేడు అంతర్జాతీయ వేదిక మీద ప్రశంసలు అందుకోవడం హర్షనీయం అంటూ తెలిపారు. ఇప్పటికీ లాస్ ఏంజెల్స్ ఫిల్మ్ ఫెస్టివల్ లో బెస్ట్ ఫీచర్ ఫిల్మ్ కేటగిరిలో డైరెక్టర్ వేణు కి అలాగే సినిమాటోగ్రాఫర్ వేణు ఆచార్య కు అవార్డులు వచ్చాయి. ఇలా అంతర్జాతీయంగా రెండు అవార్డులను అందుకున్న ఈ సినిమా గురించి ప్రస్తుతం సోషల్ మీడియాలో ఒక ట్రోల్ కూడా నడుస్తోందని తెలిపారు. ఈ సినిమాలో పూనకాలు వచ్చే సన్నివేశాలు ఉంటాయి.
అలాంటి మూఢనమ్మకాలను ప్రోత్సాహించే సినిమాలకు ఎలా అవార్డులు ఇస్తారంటూ కొంతమంది మాట్లాడటం బాగోలేదు. సినిమలో కొత్త డ్రామా నడిస్తేనే ప్రేక్షకులు దానికి కనెక్ట్ అవుతారు. అయినా అలాంటి మూఢనమ్మకాలు ఉన్న సినిమా కూడా అంతర్జాతీయ వేదిక మీద అవార్డు అందుకున్నపుడు ఇలాంటి ట్రోల్స్ తగవు అంటూ చెప్పారు దాము బాలాజీ. ఈ సినిమాలో సహజమైన సంభాషణ, ఎటువంటి కృత్రిమత్వానికి చోటు లేకుండా క్వాలిటీ సినిమాటోగ్రఫీ వల్ల సినిమా మరింత జనాలకు చేరువైంది. అందులోనూ అక్కడే లోకల్ గా ఉన్న వారితో నటింపజేయడం వల్ల సినిమాకు ఫ్రెష్ నెస్ వచ్చింది అంటూ చెప్పారు.
