Anandh Vardhan : 1996 లో బాలనటుడిగా తెలుగు ఇండస్తీలోకి అడుగుపెట్టిన ఆనంద్ వర్ధన్ అనగానే మనకు గుర్తు రాకపోవచ్చు కానీ సూర్య వంశం సినిమా పేరు చెప్పగానే అందులో నటించిన చైల్డ్ ఆర్టిస్ట్ అనగానే గుర్తొస్తాడు. ప్రేయసి రావే, మనసంతా నువ్వే, నేనున్నాను, మా విడాకులు, బాల రామాయణం, ప్రియరాగాలు, ఇంద్ర మొదలుగు సినిమాల్లో నటించిన ఆనంద్ నేనున్నాను సినిమా తరువాత వెండి తెరకు దూరమయ్యాడు.
సినిమాల్లోకి రానున్న ఆనంద్…
చైల్డ్ ఆర్టిస్ట్ గా దాదాపు 14 సినిమాల్లో నటించిన ఆనంద్ నేనున్నాను సినిమా తరువాత ఇండస్ట్రీకి దూరమయ్యాడు. 2012 లో ఇంజనీరింగ్ పూర్తి చేసిన ఆనంద్ ప్రస్తుతం మళ్ళీ సినిమాల్లోకి రావాలని అనుకుంటున్నాడు. సోషల్ మీడియాలో చురుకుగా ఉండే ఆనంద్ హీరో లుక్ లో స్టైలిష్ గా ఉన్న ఫోటోలను సోషల్ మీడియాలో పోస్ట్ చేసి ఫాలోయింగ్ పెంచుకుంటున్నాడు.
పి.బి శ్రీనివాస్ మనవడిగా ఇండస్ట్రీలోకి అడుగుపెట్టిన ఆనంద్ చైల్డ్ ఆర్టిస్ట్ గా మంచి నటన కనబరిచాడు, మరి హీరోగా కూడా తెలుగు ప్రేక్షకులను అలరిస్తాడేమో చూడాలి. ఇప్పటికే చైల్డ్ ఆర్టిస్ట్ గా మంచి పేరు తెచ్చుకున్న తేజ సజ్జ హీరోగా మంచి గుర్తింపు తెచ్చుకున్నాడు. మరి ఆనంద్ వర్ధన్ కూడా అలానే సక్సెస్ అవుతాడేమో చూడాలి మరి.
