బుల్లితెరపై మెరిసి ఇప్పుడు వెండితెరపై ఫుల్ బిజీ గా మారిపోయిన యాంకర్, నటి అనసూయ.. జబర్దస్త్ షో ఆమె రేంజ్ ఒక్కసారిగా మారిపోయింది. అంతకుముందు చిన్న చిన్న షో లు చేసినా రాని గుర్తింపు జబర్దస్త్ అనే ఒక్క షో తో వచ్చింది.. ఆ షో లో వచ్చిన గుర్తింపుతోనే ఆమె సినిమాల్లో నటించడం మొదలుపెట్టారు. క్షణం సినిమా తో పూర్తి స్థాయి నటిగా మారిన అనసూయ ఆ తర్వాత వెండితెరపై ఇక వెనుతిరిగి చూసుకోలేదు.. వరుస సినిమాలు చేస్తూ వెండి తెరపై ప్రేక్షకులను అలరిస్తుంది. ఆ సినిమా లో నెగెటివ్ రోల్ అదరగొట్టి తనలోని కొత్త యాంగిల్ ని చూపెట్టింది.
ఇక రంగస్థలంలో తన నట విశ్వరూపం చూపించింది. ఆ సినిమా తో నటిగా తన పెర్ఫార్మన్స్ ఎంత ఇంప్రూవ్ అయ్యిందో కూడా చెప్పేసింది. ఇప్పుడు ప్రేత్యేకంగా ఆమెకోసం సినిమాలు చేస్తున్నారంటే ఆమెకు మినీ సైజు హీరోయిన్ మార్కెట్ ఏర్పడింది అని చెప్పొచ్చు.. కొన్ని లేడీ ఓరియెంటెడ్ సినిమాల్లో కూడా ఆమె నటించింది. టీవీ, బిగ్ స్క్రీన్ లలోనే కాదు సోషల్ మీడియా లోనూ అనసూయ ఎంతో యాక్టివ్ గా ఉంటుందన్న విషయం తెలిసిందే. ఈ నేపథ్యంలోనే తాజాగా ’30 క్వశ్చన్స్ విత్ అనసూయ’ అనే స్పెషల్ వీడియో చేసి అన్ని ప్రశ్నలపై నేరుగా సమాధానాలిచ్చింది.
ఇందులో భాగంగానే తన టాటూ సీక్రెట్స్ రివీల్ చేసింది ఈ జబర్దస్త్ బ్యూటీ.తామిద్దరం ఎంగేజ్మెంట్ చేసుకున్నాక సంవత్సరంన్నర తర్వాత పెళ్లి చేసుకున్నామని, దీంతో ఆ ఎంగేజ్మెంట్ యానివెర్సరీ డే సందర్భంగా అలా ఎదపై నిక్కు అనే టాటూ వేయించుకున్నానని అనసూయ తెలిపింది. ఇక చేతిపై ఉన్న టాటూ కేలర్ అని, దీని అర్థం ‘బాహ్య సౌందర్యం కన్నా అంతః సౌందర్యానికి విలువనివ్వడం’ అని చెప్పింది. ఇక త్వరలో మరో టాటూ కూడా వేయించుకోబోతున్నట్లు అనసూయ వెల్లడించడం విశేషం.
