కరోనా కారణంగా సెలెబ్రెటీస్ అందరు తమ తమ ఇళ్లకే పరిమితమయ్యారు. ఇంట్లో నుంచి అభిమానులతో తమ అభిప్రాయాలను, వారి యొక్క కుటుంబ సభ్యులు, ఇంట్లో పని చేసేవారితో సహా అందరిని పరిచయం చేస్తూ నిత్యం అభిమానులతో ముచ్చటిస్తున్నారు. ఈ నేపథ్యంలో ప్రముఖ యాంకర్ సుమ కనకాల కూడా ఈరోజు ఇంటెర్నేషనల్ వర్కర్స్ డే సందర్భంగా అందరికి శుభాకాంక్షలు చెబుతూ ఒక వీడియో ను తన ఇంస్టాగ్రామ్ లో పోస్ట్ చేసారు. అంతే కాదు ఆ వీడియోలో తన ఇంట్లో పని చేసే పనిమనిషి మణి ని అందరికి పరిచయం చేసారు.
యాంకర్ సుమ మాట్లాడుతూ “ఈరోజు ఐ సెల్యూట్ అల్ ద వర్కర్స్.. ఈ లాక్ డౌన్ పిరియడ్ లో వాళ్ళ లైఫ్ ని రిస్క్ లో పెట్టి వర్క్ చేస్తున్న వారందరికీ.. అలాగే ఈ అన్ పెయిడ్ వర్కర్స్ కి కూడా బిగ్ బిగ్ సెల్యూట్… ఎవరో తెలుసా ఇంట్లో పని చేసేటువంటి ఆడవారు అమ్మలు, అమ్మమ్మలు, పెళ్ళాలు, కోడళ్ళు, అత్తలు, పిన్నులు, అబ్బా ఆ లిస్ట్ చాలా పెద్దది… అలాంటి ఆడవాళ్లు మూడుపూటలా ఎంచక్కగా వండి పెట్టి, మళ్లీ స్నేక్స్ అని అడిగితె అవి కూడా చేసి పెట్టి ఇన్ని రోజుల నుంచి ఎలాంటి పారితోషకం ఆశించకుండా చేసిపెట్టేటువంటి మా ఆడవారు అందరికీ బిగ్ బిగ్ సెల్యూట్ అండ్ హ్యాపీ ఇంటర్నేషనల్ వర్కర్స్ డే… ” అని చెప్పారు..
ఆ తరువాత తన ఇంట్లో పని చేస్తున్న పనిమనిషి మణిని పరిచయం చేస్తూ ఆమెకు కూడా హ్యాపీ ఇంటర్నేషనల్ వర్కర్స్ డే అంటూ శుభాకాంక్షలు తెలిపారు. మణి లాంటి వాళ్ళు నా ఇంట్లో ఉన్నారు కాబట్టే నేను బయటకి వెళ్లి షూటింగ్లు హ్యాపీగా చేసుకోగలుగుతున్నాను. అయితే ఇప్పుడు నాకు షూటింగ్ లు లేవు కాబట్టి నేను మణి కలిసి చేసుకుంటూ ఉన్నాము అని అన్నారు..
అదేసమయంలో తన హ్యూమర్ ను కూడా జోడించి “మణి నీ జీతంలో నాకు సగం షెర్ చేస్తావా? ” అంటూ ఫక్కున నవ్వేశారు. సుమ చేసినా ఈ కామెడీకి పనిమనిషి కూడా నవ్వుకుంటుంది. ఆ విడియో మీకోసం…
