Arjun Kapoor : సెలబ్రిటీల జీవితాలు ఎప్పుడు ఎలా మారుతాయో తెలీదు. ఒక్కసారిగా లైం లైట్ కి వచ్చి పేరు ప్రఖ్యాతులు సంపాదించి బాగా డబ్బులు కూడా సంపాదిస్తారు. కానీ సినిమా జీవితాల్లో ఎపుడూ ఒకేలాగా కెరీర్ ఉండదు, దీపం ఉన్నప్పుడే ఇల్లు చక్కబెట్టుకోవాలి అన్న చందంగా కెరీర్లో బాగా ఉన్నపుడు ఆస్తులు పోగేసుకోవాలి. అలా కాకుండా జల్సాలకు పోతే ఉన్న ఆస్తులు పోయి రోడ్డు మీదకు పోతారు. పాతతరం నటుల్లో ఇలా చాలా మందిని చూసాం, వారి చివరి దశలో కష్టాలతో చనిపోయారు.
ఆస్తులమ్ముతున్న బోని కపూర్ కొడుకు…
‘ఇషక్ జాదే’ సినిమాతో పరిచయమైన అర్జున్ కపూర్, ఆ తరువాత టూ స్టేట్స్ సినిమాతో మంచి విజయాన్ని అందుకున్నాడు. హాఫ్ గర్ల్ ఫ్రెండ్ సినిమాలో నటనకు మంచి మార్కులే పడ్డాయి. అయితే ఆశించినంత మంచి విజయాలను అందుకోలేదు అర్జున్ కపూర్. కానీ సినిమా అవకాశలు మాత్రం తగ్గలేదు. వరుసగా సినిమాలు చేస్తూనే ఉన్నాడు. ప్రస్తుతం మలైకా ఆరోరా తో పీకల్లోతులో ప్రేమలో మునిగితేలుతున్న అర్జున్ కపూర్ మలైకా ఆరోరా ఇంటికి సమీపంలో ఉన్న తన 4 BHK ఫ్లాట్ ను అమ్మేశాడనే వార్తలు బాలీవుడ్ లో చక్కర్లు కొడుతున్నాయి.
బాంధ్రా సమీపంలోని ఈ ఫ్లాట్ విలువ 16 కోట్లు ఉండొచ్చని అంచనా. 4,364 చదరపు అడుగుల్లో ఉన్న ఈ ఫ్లాట్ ను అమ్ముకోవాల్సిన పరిస్థితి ఎందుకు వచ్చిందో అంటూ బాలీవుడ్ కథనాలు ప్రసారం చేస్తోంది. ఇక అమ్మకం సమయంలో అర్జున్ కపూర్ సోదరి అన్షులా కపూర్ కూడా డాక్యుమెంట్స్ పై సంతకాలు పెట్టినట్లు సమాచారం.
