Ayyappa Sharma : చిరంజీవి వల్లే ఈరోజు ఇండస్ట్రీలో మా ఫ్యామిలీ ఉంది…: అయ్యప్ప శర్మ

Ayyappa Sharma : తెలుగు, కన్నడ, తమిళం ఇలా అన్ని ఇండస్ట్రీలలోనూ సినిమాలను చేస్తూ అన్ని భాషలలోనూ గుర్తింపు తెచ్చికున్న నటుడు సాయి కుమార్. ఆయన తండ్రి నటుడే, ఆయన తమ్ముళ్లు అలాగే కొడుకు కూడా నటులే. ఇలా ఇంతమంది నటులుగా ఉన్న ఈ కుటుంబానికి మెగాస్టార్ ఎంతో మేలు చేసాడంటూ సాయికుమార్ గారి తమ్ముడు అయ్యప్ప శర్మ వివరించారు. కేజీఎఫ్ సినిమా ద్వారా మంచి క్రేజ్ సంపాదించుకున్న అయ్యప్ప శర్మ మెగాస్టార్ గారి గొప్పతనంను ఇటీవల ఒక ఇంటర్వ్యూలో పంచుకున్నారు.

ఆ సినిమా విడుదల కాకుంటే ఏమైయ్యుండేదో…

పీజే శర్మ గారితో మొదలు సాయి కుమార్, రవిశంకర్ అలానే అయ్యప్ప శర్మ అలాగే సాయి కుమార్ తనయుడు ఆది వీళ్లలందరూ కూడా కంచు కంఠానికి ఫేమస్. ఇక సినిమాలో సాయి కుమార్ డైలాగులకు ఎంతో మంది ఫ్యాన్స్ ఉన్నారు. అలా పోలీసుల పాత్రల్లో సాయి కుమార్ నటన ఒక ఎత్తు ఆ వాయిస్ తో చెప్పే డైలాగకు మరో ఎత్తు. అయితే సాయి కుమార్ నటించిన ‘పోలీస్ స్టోరి’ సినిమాను తెలుగులో విడుదల చేసే సమయంలో మెగాస్టార్ చిరంజీవి చేసిన సహాయం మర్చిపోలేమని మా కుటుంబం నేటికీ అందుకు కృతజ్ఞతగా ఉంటుందంటూ తెలిపారు.

అప్పట్లో ట్రైలర్స్ ఇవన్నీ ఉండేవి కాదు అయితే సినిమాను మొదట చూసి చిరంజీవి గారు సురేఖ గారు సినిమా బాగుందని చెప్పారన్నారు. వాళ్ళే అందరికీ సినిమా బాగుంది తీసుకోమ్మని చెప్పడం అలా బిజినెస్ జరిగి అలానే సినిమాకు యాడ్స్ ఇచ్చినపుడు చిరంజీవి గారు చెప్పిన మాటలను, అలాగే దాసరిగారు వంటి వారి మాటలను జోడించి పబ్లిసిటీ చేయడంతో సినిమా విడుదల అయ్యాక మంచి ఓపెనింగ్స్ వచ్చాయంటూ చెప్పారు. మెగాస్టార్ చెప్పారు కాబట్టే జనాలు కూడా సినిమాను చూసారని అయ్యప్ప శర్మ అభిప్రాయాపడ్డారు.