సాత్విక్ వర్మ.. చైల్డ్ ఆర్టిస్ట్ గా మన అందరికీ బాగా తేలిన నటుడే.. జక్కన్న రాజమౌళి చెక్కిన అద్బుతమైన సినిమా బాహుబలిలో ప్రభాస్ చిన్నప్పటి పాత్రలో నటించి తనకంటూ ప్రత్యెక గుర్తింపు తెచ్చుకున్నాడు సాత్విక్ వర్మ.. అంతేకాదు దువ్వాడ జగన్నాథమ్, నా పేరు సూర్య నా ఇల్లు ఇండియా, రేసు గుర్రం, మళ్లీ రావా వంటి చిత్రాల్లో చైల్డ్ ఆర్టిస్టుగా నటించి మంచి గుర్తింపు తెచ్చుకున్నాడు.
తాజాగా సాత్విక్ సోలో హీరోగా ఎంట్రీ ఇవ్వనున్నాడు. “బ్యాచ్” అనే చిత్రంలో హీరోగా నటిస్తున్నాడు సాత్విక్. ఆకాంక్ష మూవీ మేకర్స్ బ్యానర్ పై యూత్ఫుల్ మ్యూజికల్ ఎంటర్టైనర్ గా తెరకెక్కుతున్న ఈ మూవీలో హీరోయిన్ గా పరిచయం అవుతున్నారు నేహా పఠాన్. కొత్త డైరెక్టర్ శివ ఈ చిత్రానికి దర్శకత్వ భాద్యతలు నిర్వహిస్తున్నాడు. రమేశ్ ఘనమజ్జి నిర్మాతగా వ్యవహరిస్తున్న ఈ చిత్రంలో సాత్విక్ ఒక కాలేజీ స్టూడెంట్ గా అలరించనున్నాడు. ఇప్పటికే ఈ చిత్ర షూటింగ్ మొత్తం పూర్తయింది. లాక్డౌన్ ఉన్న నేపద్యంలో థియేటర్లు మళ్ళీ రీ ఓపెన్ అవగానే విడుదల చేయాలని చూస్తున్నారు చిత్ర యూనిట్.
