Balagam Fame Muralidhar : చిన్న సినిమాగా వచ్చిన ‘బలగం’ సినిమా నేడు రెండు రాష్ట్రాలలోనూ సంచలన విజయాన్ని నమోదు చేసింది. నగరాలు, గ్రామాలు అని తేడా లేకుండా అన్ని రకాల ప్రేక్షకులను అలరిస్తున్న సినిమా బలగం. ఈ సినిమాలో నటించిన ప్రతి ఒక్క ఆర్టిస్టుకీ ఈ సినిమా మంచి పేరు అలాగే గుర్తింపు తెచ్చిపెట్టింది. ఇక ఈ సినిమాలో నారాయణ పాత్రలో నటించిన మురళీధర్ గౌడ్ గారు సీనిమా గురించి అందులో అవకాశం ఎలా వచ్చింది వంటి విషయాలను ఇంటర్వ్యూలో పంచుకున్నారు.
ఇతను డైరెక్టరా అనుకున్నాను…
సినిమా ఆడిషన్స్ టైములో నాకు కాల్ రావడంతో ఆడిషన్స్ కి వెళ్లగా అక్కడ నారాయణ పాత్రకు నన్ను సెలెక్ట్ చేసారు. అంతకు ముందు ఎపుడూ వేణు గారిని చూసింది లేదు. తన స్కిట్స్ కూడా ఎపుడూ జబర్దస్త్ లో చూడలేదు. కేవలం వేణు ఒక కమెడియన్ అని తెలుసు అంతే అయితే వేణు అక్కడ కూర్చొని ఉంటే తను క్యారెక్టర్ కోసం ఆడిషన్ కి వచ్చాడని మొదట అనుకున్నా కానీ అసిస్టెంట్ ఒకతను వచ్చి చెప్పేవరకు తెలియలేదు తానే డైరెక్టర్ అని, అపుడు ఇతను డైరెక్టరా అనిపించింది.
కానీ ఆ రోజు నా క్యారెక్టర్ ను సెలెక్ట్ చేసి వేణు నాతో మీ క్యారెక్టర్ బాగా వస్తుంది, అందరికీ నచ్చుతుంది, ఖచ్చితంగా మీకు మళ్ళీ మంచి పేరు వస్తుంది చూడండి అని చెప్పాడు. ఇంకా షూటింగ్ కూడా జరగక ముందే చెప్పాడు వేణు అలానే ఇప్పుడు సినిమా విడుదల అయ్యాక ఎంతో మంది నన్ను అభినందిస్తున్నారు అంటూ చెప్పారు.
