Balagam fame Rupalakshmi : కమెడియన్ వేణు గారు డైరెక్టర్ గా మారి ఒక మంచి ఫీల్ గుడ్ మూవీని తీశారు. కమెడియన్ కాబట్టి కామెడీ సినిమా తీస్తారని అందరూ అనుకున్నా అందుకు భిన్నంగా ఒక ఎమోషనల్ డ్రామాను చావుతో ముడిపడిన బంధాలను చూపించి ఆకట్టుకున్నాడు. చిన్న సినిమాగా వచ్చిన బలగం సినిమా నేడు థియేటర్స్ లో డీసెంట్ కలెక్షన్స్ అందుకుంటోంది. అందులో నటించిన ఆర్టిస్టులందరికీ మంచి పేరు తెచ్చిపెట్టింది. అందులో నటించిన క్యారెక్టర్ ఆర్టిస్ట్ రూప లక్ష్మి గారు ఆ సినిమా గురించిన పలు ఆసక్తికర విషయాలతో పాటు తన కెరీర్ గురించి కూడా పంచుకున్నారు.
ఎవరికైనా తల్లిగా చేస్తా…
రూపలక్ష్మి గారు బలగం సినిమా కంటే ముందు పలు సినిమాల్లో క్యారెక్టర్ ఆర్టిస్ట్ గా నటించినా ఈ సినిమాతో మంచి పేరు గుర్తింపు అందుకున్నారు. ప్రస్తుతం ఈ సినిమా తాలుకు సక్సెస్ ను ఎంజాయ్ చేస్తున్న ఆమె పలు ఇంటర్వ్యూలలో పాల్గొంటూ ఆమె తన కెరీర్ గురించి ఆసక్తికర విషయాలను పంచుకున్నారు. సినిమాలో తాను హీరోయిన్ కావ్య కళ్యాణ్ రామ్ కి తల్లిగా లక్ష్మి పాత్రలో ఎంత సహాజంగా నటించిందో అందరికీ తెలుసు.
అలానే ఇకపై ప్రభాస్, మహేష్ లాంటి హీరోలకు అవకాశం వస్తే తల్లిగా నటిస్తారా అని అడుగగా ఖచ్చితంగా నటిస్తారు వారికే కాదు ఇంకా పెద్ధ హీరోలకు కూడా తల్లిగా నటించే అవకాశం వచ్చినా చేస్తాను అంటూ చెప్పారు. 70 ఏళ్ల ముసలోడికి తల్లిగా చేయమన్నా చేస్తాను ఎందుకంటే ఒక మహిళ జీవితములో సంతృప్తికరమైన పాత్ర తల్లే కదా అందుకే నాకు నటించడానికి ఎటువంటి అభ్యంతరం లేదు అంటూ చెప్పారు.
