Balagam Fame Sujatha : కమెడియన్ వేణు గారు డైరెక్టర్ గా మారి ఒక మంచి ఫీల్ గుడ్ మూవీని తీశారు. కమెడియన్ కాబట్టి కామెడీ సినిమా తీస్తారని అందరూ అనుకున్నా అందుకు భిన్నంగా ఒక ఎమోషనల్ డ్రామాను చావుతో ముడిపడిన బంధాలను చూపించి ఆకట్టుకున్నాడు. చిన్న సినిమాగా వచ్చిన బలగం సినిమా నేడు థియేటర్స్ లో డీసెంట్ కలెక్షన్స్ అందుకుంటోంది. అందులో నటించిన ఆర్టిస్టులందరికీ మంచి పేరు తెచ్చిపెట్టింది. అందులో నటించిన క్యారెక్టర్ ఆర్టిస్ట్ సుజాత సినిమా గురించి ప్రస్తుతం తనకు దక్కుతున్న ప్రశంసల గురించి తాజాగా ఒక ఇంటర్వ్యూలో పంచుకున్నారు.
పనిమనిషికి కూడా నీ ముఖం పనికిరాదన్నారు…
బలగం సినిమాలో మొగిలయ్య పెద్ధ కోడలిగా ఐలయ్య భార్యగా నటించిన సుజాత గారు ఆ పాత్రతో మంచి గుర్తింపు తెచ్చుకున్నారు. సినిమాలో తన సహజమైన నటనతో ఆకట్టుకున్న ఆమె కో డైరెక్టర్ నాగరాజు గారి వల్ల సినిమా ఆడిషన్ కి వెళ్ళానని అక్కడ సెలెక్ట్ అవుతానని అనుకోలేదు. అంతకుముందు ఎన్నో సినిమా ఆడిషన్స్ కి వెళ్లినా ఒక్క దాంట్లో కూడా సెలెక్ట్ అవ్వలేదని చెప్పారు.
కొన్ని సార్లైతే ఒక ఆమె నీ మొహం పనిమనిషి పాత్రకు కూడా సరిపోదు. అదికూడా సీరియల్స్ లో పనిమనిషి క్యారెక్టర్ కి కూడా పనికి రాదు అని అవమానించారంటూ ఇంటర్వ్యూలో చెప్పి ఎమోషనల్ అయ్యారు సుజాత. అలా అన్నపుడు బాగా ఏడ్చి భార్తతో చెబితే తానే ధైర్యం చెప్పేవాడని, చివరకు బలగం సినిమా నేడు మంచి గుర్తింపు తెచ్చిపెట్టింది అంటూ, నాకూ ఒకరోజు వచ్చిందంటూ చెప్పారు.
