Balakrishna : సీనియర్ హీరోలలో ఇప్పటికి ఎనర్జీ ఏ మాత్రం తగ్గకుండా సినిమాలతో అభిమానులను అలరిస్తున్న హీరో నందమూరి బాలకృష్ణ. మాస్ హీరో ఇమేజ్ తో కోట్లలో అభిమానులను సంపాదించుకున్న బాలయ్య గురించి బాలయ్యతో పనిచేసిన ఎవరైనా చెప్పేది ఆయన చిన్న పిల్లాడిలా ఉంటాడని. ఇక బాలకృష్ణ గురించి ఇటీవల ఒక యూట్యూబ్ ఛానెల్ కి ఇచ్చిన ఇంటర్వ్యూ లో సీనియర్ జర్నలిస్ట్ భరద్వాజ్ చేసిన వాఖ్యలు బాగా వైరల్ అవుతున్నాయి. ఆయన సీనియర్ ఎన్టీఆర్ కు బాలకృష్ణకు గళ పోలికలు వత్యాసాలను వివరించారు.
ఎపుడు అభిమానుల మధ్యలో ఉండడం ఇష్టం….
ఇక బాలకృష్ణ కు సీనియర్ ఎన్టీఆర్ కు ఉన్న ఒక కామన్ క్వాలిటీ ఇద్దరు అభిమానులకు దగ్గరగా ఉండటానికి ఇష్టపడతారు. సినిమా ఫంక్షన్స్ లో అభిమానుల మధ్యలో నుండి ఎన్టీఆర్ వేదికపైకి వచ్చేవారు. ఆ సంప్రదాయాన్ని బాలకృష్ణ కొనసాగించారని బాలకృష్ణ నిరంతరం అభిమానుల మధ్య ఉండటానికి ఇష్టపడుతారని ఇబ్బంది కలిగినపుడే రియాక్ట్ అవుతాడని వెల్లడించారు.
బాలయ్య పై వచ్చే మీమ్స్, జోక్స్…..
ఇక బాలకృష్ణ పై వచ్చే మీమ్స్, జోక్స్ పై బాలకృష్ణ అస్సలు పట్టించుకోరు. రెమ్యూనరేషన్ విషయంలో కూడా బాలయ్య అసలు పట్టించుకోరాని నిర్మాత ఇవ్వలేనని చెప్పిన సందర్భాల్లో కూడా సినిమా పూర్తవడానికి సహకరించారు అంటూ భరద్వాజ్ తెలిపారు. ఇక పల్నాటి బ్రహ్మనాయుడు సినిమాలోని ట్రైన్ ముందు తొడగొట్టే సన్నివేశాలో కూడా బాలయ్య వద్దన్నా డైరెక్టర్ వినకుండా ఆ సీన్ ఉండాలి అనడంతో బాలయ్య ఆ సీన్ చేశారట దర్శకుడు చెప్పినట్టుగా చేసే హీరో అని బాలకృష్ణ కు ముందు నుండి పేరున్న విషయం విధితమే. ఇక బాలయ్య బయటికి ఒకటి లోపల ఒకటి మాట్లాడరు. రూంలో ఉన్నపుడు ఒకలాగా బయట పబ్లిక్ లో ఉన్నపుడు ఒకలాగా మాట్లాడరు అంటూ బాలయ్య గురించి చెప్పారు భరద్వాజ్.
