Balakrishna : నందమూరి నటసింహం బాలయ్యబాబు ఎన్టీఆర్ వారసుడు గా సినిమాల్లోకి వచ్చి తనకంటూ సొంత గుర్తింపుతో టాప్ హీరోగా ఎదిగాడు. పౌరాణికమైనా, జానపదమైనా ఏదైనా తండ్రికి తగ్గ తనయుడిగా నిరూపించుకున్న బాలయ్యకు తండ్రి మీద ఎనలేని ప్రేమ. ఏ పని మొదలు పెట్టాలన్నా తండ్రి ఎన్టీఆర్ ను తలుచుకునే బాలకృష్ణ ఏ పనైనా మొదలుపెడుతారు. ఇక ఎన్టీఆర్ గారు ఎలా క్రమశిక్షణతో సెట్స్ లో ఉండేవారో అలానే బాలయ్య కూడా సెట్స్ లో క్రమశిక్షణతో ఉంటారు.
రోజూ రాత్రికి ఆ పని చేసే నిద్రపోతాడు…
ఇక సీనియర్ నటుడు మురళీ మోహన్, బాలకృష్ణ గురించి ఇటీవల ఒక ఇంటర్వ్యూ లో చెబుతూ ఏ సినిమా అయినా, షో అయినా తండ్రి ఎన్టీఆర్ ని తలుచుకుని మొదలుపెడతారు. అలాగే రోజూ రాత్రి పడుకునే ముందు ఎన్టీఆర్ గారి సినిమా చూసి, పాటలు విని పడుకోవడం బాలకృష్ణకు దినచర్య. సాధారణంగా ఇప్పటి తరం హీరోలు ఎవరైనా తాను ఆ సినిమాలో అలా చేశాను, ఈ సినిమాలో ఇలా చేశాను అంటూ వాళ్ల గురించి ఎక్కువ చెప్పుకుంటారు, కానీ బాలయ్య మాత్రం పదే పదే తండ్రి సినిమాలు, పాత్రలే గుర్తు చేసుకుంటారని మురళీ మోహన్ తెలిపారు.
ఇప్పటికీ ఆ అలవాటు మానుకోలేదు. ఇక షూటింగ్ సెట్స్ లో కూడా తండ్రి గురించి తన తోటి నటీ నటులకు చెబుతూ ఉంటారు. ఉత్తరాది నటులకు, హీరోయిన్లకు ఎన్టీఆర్ సినిమాల గురించి, క్రమశిక్షణ గురించి చెప్తూనే ఉంటారు. ఆయన మధురస్మృతులను గుర్తుచేసుకుంటూనే ఉంటారు అంటూ బాలకృష్ణకు తన తండ్రి అంటే ఎంత ఇష్టం అనే విషయాన్ని చెప్పారు మురళీ మోహన్.
