Balakrishna : బాలయ్య మంచి జోష్ లో ఉన్నాడు. ఓ వైపు తను నటించిన అఖండ బంపర్ హిట్ అందుకోవడంతో పాటు.. మరోవైపు తాను హోస్ట్ చేస్తున్న ‘ అన్ స్టాపబుల్’ టాక్ షో కూడా సక్సెస్ అయింది. నిన్నటి వరకూ కూడా అఖండ టాలీవుడ్ లో మానియా కనిపించింది. ఆ సినిమాలో అఘోరాగా నటించిన బాలయ్యకు బ్రహ్మరధం పట్టారు ప్రేక్షకులు. ప్రస్తుతం ముస్లిం వ్యక్తిలా వేషధారణ వేసుకుని అభిమానులను ఆకట్టుకున్నారు బాలయ్య.
తాజాగా బాలయ్య స్వంత నియోజకవర్గం అయిన హిందూపురంలో ఒక మైనారిటీ నేత ఇంట్లో పెళ్ళికి హాజరయ్యారు. ఇక్కడ విశేషమేమిటంటే ఓక ముస్లిం వ్యక్తి వేషధారణలో బాలయ్య వచ్చే సరికి ఆయనను చూడటానికి జనం ఎగబడ్డారు. అదే సమయంలో అక్కడకి వచ్చిన అభిమానులకు బాలయ్య అభివాదాలు చేయడం జరిగింది. ఇక ఆ ప్రాంతమంతా జై బాలయ్య అంటూ అరుపులు, కేకలతో సందడి నెలకొంది.
