ఈ ఇద్దరు బాల నటీనటులుగానే తమ సినీకెరీర్ ను ప్రారంభించడం జరిగింది.1970 లో సూపర్ స్టార్ కృష్ణ హీరోగా నటించిన మా నాన్న నిర్దోషి అనే తెలుగు సినిమా లో బాలనటిగా శ్రీదేవి నటించింది. ఆ తర్వాత నేను మనిషినే,విధి విలాపము,బడిపంతులు లాంటి సినిమాల్లో బాలనటిగా చేసి తర్వాత 1978 సంవత్సరంలో రాఘవేంద్రరావు దర్శకత్వంలో వచ్చిన పదహారేళ్ళ వయసు సినిమా లో హీరోయిన్ గా నటించింది.
ఆ తర్వాత వేటగాడు, మోసగాడు, జస్టిస్ చౌదరి, కొండవీటి సింహం, బెబ్బులిపులి, ప్రేమాభిషేకం, కిరాయి కోటిగాడు, దేవత లాంటి సినిమాల్లో నటిస్తూ సడెన్ గా ఉత్తరాది సినిమాల్లోకి వెళ్ళిపోయింది. 1974లో వచ్చిన తాతమ్మకల సినిమాతో బాలకృష్ణ బాలనటుడిగా తెలుగు తెరకు పరిచయం అయ్యారు. ఆ తర్వాత రామ్ రహీం, అన్నదమ్ముల అనుబంధం, మంగమ్మగారి మనవడు, భలే దొంగ, ముద్దుల కృష్ణుడు, ముద్దుల మావయ్య లాంటి సినిమాల్లో నటించారు.
చిరంజీవి, నాగార్జున, వెంకటేష్ లాంటి హీరోలతో నటించి ఒక బాలకృష్ణతో మాత్రం శ్రీదేవి జోడీగా నటించలేదు. కారణం ఏమిటి అనే విషయంలో రకరకాల రూమర్స్ చెక్కర్లు కొడుతున్నాయి. 1987లో దర్శకేంద్రుడు రాఘవేంద్ర రావు బాలకృష్ణ, శ్రీదేవితో సామ్రాట్ అనే సినిమా అనౌన్స్మెంట్ జరిగింది. తర్వాత 1989 లో కోదండరామిరెడ్డి దర్శకత్వంలో భలే దొంగ సినిమా విషయంలో హీరోయిన్ గా శ్రీదేవిని అనుకున్నారు.
కానీ హిందీలో ఆమె బిజీ షెడ్యూల్ వల్ల ఈ రెండు సినిమాల్లో నటించే అవకాశం రాలేదు. రౌడీ రాముడు కొంటె కృష్ణుడు, అనురాగ దేవత ఈ రెండు సినిమాల్లో ఒకే ఫ్రేమ్ లో బాలకృష్ణ శ్రీదేవి కనిపించినప్పటికీ ఇద్దరూ ఒకే జోడిగా మాత్రం ఏ సినిమాలో కనిపించలేదు.
