Bandla Ganesh: విజయ్ దేవరకొండ నటించిన లైగర్ సినిమా ట్రైలర్ తాజాగా విడుదలైంది. ఈ ట్రైలర్ లాంచ్ కార్యక్రమంలో భాగంగా విజయ్ దేవరకొండ మాస్ స్పీచ్ తో అందరిని ఆకట్టుకున్నారు. అయితే విజయ్ దేవరకొండ మాట్లాడిన ఈ వ్యాఖ్యలు కొందరు హీరోలను ఉద్దేశించి మాట్లాడారని పెద్ద ఎత్తున చర్చలు జరుగుతున్నాయి. ఇండస్ట్రీలో ఎలాంటి వారసత్వం లేకపోయినా తన టాలెంట్ తో మంచి గుర్తింపు సంపాదించుకున్నానని పరోక్షంగా విజయ్ దేవరకొండ కొందరు హీరోలకు కౌంటర్ ఇచ్చారని వార్తలు వస్తున్నాయి.
ఈ క్రమంలోనే విజయ్ దేవరకొండ చేసిన ఈ వ్యాఖ్యల పై నిర్మాత నటుడు బండ్ల గణేష్ స్పందించారు. ఈ సందర్భంగా ఆయన సోషల్ మీడియా వేదికగా విజయ్ వ్యాఖ్యలపై స్పందిస్తూ తనకు కౌంటర్ ఇచ్చారు.ఈ సందర్భంగా బండ్ల గణేష్ ట్విట్టర్ ద్వారా స్పందిస్తూ తాతలుతండ్రులు ఉంటే సరిపోదు.. టాలెంట్ కూడా ఉండాలి. ఎన్టీఆర్, రామ్ చరణ్, మహేష్ బాబు, ప్రభాస్ లా గుర్తుపెట్టుకో బ్రదర్ అంటూ కామెంట్ చేశారు.
ఈ విధంగా బండ్ల గణేష్ చేసిన ఈ ట్వీట్ సోషల్ మీడియాలో వైరల్ గా మారింది.ఈ క్రమంలోనే కొందరు నెటిజెన్లు ఈట్వీట్ పై స్పందిస్తూ బండ్ల గణేష్ ఎవరిని ఉద్దేశించి ఈ ట్వీట్ చేశారు అంటూ కామెంట్లు చేస్తున్నారు. బండ్ల గణేష్ విజయ్ దేవరకొండను ఉద్దేశిస్తూ తనపై ఇలా కౌంటర్ వేశారనీ కామెంట్లు చేయగా మరికొందరు మాత్రం బండ్ల గణేష్, రామ్ చరణ్ ఎన్టీఆర్ మహేష్ బాబు ప్రభాస్ కి కౌంటర్ వేశారంటూ ఆయన పై మండిపడుతున్నారు.
ట్రెండ్ అవుతున్న ట్రైలర్..
మొత్తానికి లైగర్ ట్రైలర్ లాంచ్ కార్యక్రమంలో భాగంగా విజయ్ దేవరకొండ ఇచ్చిన మాస్ స్పీచ్ ప్రస్తుతం ఇండస్ట్రీలో పలు చర్చలకు దారితీసింది. మరి ఈ వివాదం ఇంతటితో ఆగుతుందా లేకపోతే ఎలాంటి పరిణామాలకు దారితీస్తుందో తెలియాల్సి ఉంది.ఇకపోతే ఈయన నటించిన ఈ లైగర్ సినిమా వచ్చేనెల 25వ తేదీ ప్రేక్షకుల ముందుకు రాబోతోంది.ఇక ప్రస్తుతం ఈ ట్రైలర్ సోషల్ మీడియాలో ట్రెండ్ అవుతూ పెద్ద ఎత్తున సినిమాపై అంచనాలు పెంచాయి.
